23 лістапада 2017 года намеснік дырэктара па навуковай рабоце Дзяржаўнага архіва Мінскай вобласці Юлія Уладзіміраўна Матусевіч паспяхова абараніла дысертацыю

Апублікавана: 1 снежня 2017 г.

23 лістапада 2017 года намеснік дырэктара па навуковай рабоце Дзяржаўнага архіва Мінскай вобласці Юлія Уладзіміраўна Матусевіч паспяхова абараніла дысертацыю на тэму «Медыцынская дапамога партызанам і насельніцтву партызанскіх зон Беларусі ў гады Вялікай Айчыннай вайны».

Дысертацыя Ю. В. Матусевіч была прадстаўлена на суісканне вучонай ступені кандыдата гістарычных навук у савет па абароне дысертацый пры БДУ. Даследаванне выканана пад навуковым кіраўніцтвам прафесара кафедры гісторыі Беларусі новага і найноўшага часу Беларускага дзяржаўнага універсітэта, доктара гістарычных навук Уладзіміра Кантанцінавіча Коршука.

Афіцыйнымі апанентамі выступілі прафесар кафедры этналогіі, музеялогіі і гісторыі мастацтва Беларускага дзяржаўнага універсітэта, доктар гістарычных навук, прафесар Аляксандр Аляксандравіч Гужалоўскі і загадчык кафедры сацыяльна-гуманітарных дысцыплін УА «Беларускі дзяржаўны аграрны тэхнічны універсітэт», кандыдат гістарычных навук, дацэнт Яўген Аляксандравіч Грэбень.

Віншуем Ю. В. Матусевіч і выказваем падзяку навуковаму кіраўніку!