Выйшаў першы нумар часопіса «Архівы і справаводства» за 2026 год
Выданне часопіса «Архівы і справаводства», які асвятляе дзейнасць Дэпартамента па архівах і справаводству Міністэрства юстыцыі Рэспублікі Беларусь, па выніках праведзенай рэарганізацыі з 5 студзеня 2026 г. даручана Установе «Рэдакцыя часопіса «Юстиция Беларуси».
Першы нумар за 2026 год часопіса «Архівы і справаводства» выйшаў у абноўленым выглядзе. Для паляпшэння візуальнага ўспрымання ўдасканалена вёрстка, пашырана выкарыстанне графічных элементаў, прыцягваецца штучны інтэлект, што ў поўнай меры адпавядае сучасным тэндэнцыям графічнага дызайну.
Фармат павялічаны да класічнага А4, што мае шэраг пераваг:
– тэкст больш чытэльны праз прафесійную вёрстку;
– паляпшаецца ўспрыманне ілюстрацыйнага матэрыялу, паколькі архіўныя дакументы – вельмі важная частка публікацый – прыводзяцца ў лепшым размеркаванні і большым памеры;
– узоры бланкаў і дакументаў не маюць візуальных скажэнняў.
На старонках выдання асвятляюцца падзеі ў сферы архіўнай справы і справаводства, размяшчаюцца матэрыялы па архівазнаўстве, археаграфіі, геральдыцы, генеалогіі.
Часопіс «Архівы і справаводства» змяшчае практычныя парады вядучых спецыялістаў Дэпартамента па архівах і справаводству, Беларускага навукова-даследчага інстытута дакументазнаўства і архіўнай справы, дзяржаўных архіўных устаноў, выкладчыкаў кафедры крыніцазнаўства гістарычнага факультэта Беларускага дзяржаўнага ўніверсітэта і г. д.
Часопіс уключаны ў рэспубліканскі каталог падпісных выданняў і ў Пералік навуковых выданняў Рэспублікі Беларусь для апублікавання вынікаў дысертацыйных даследаванняў, зацверджаны загадам Вышэйшай атэстацыйнай камісіі.