Візіт у Нацыянальны архіў Рэспублікі Беларусь навучэнцаў Мінскага радыётэхнічнага каледжа

22 студзеня 2026 г. у рамках рэалізацыі агульнарэспубліканскай акцыі «Архівы – школе» адбыўся візіт навучэнцаў Мінскага радыётэхнічнага каледжа ў колькасці 25 чалавек у Нацыянальны архіў Рэспублікі Беларусь (далей – НАРБ).

З прывітальным словам да навучэнцаў звярнуўся намеснік дырэктара НАРБ, к.г.н. С.В.Кулінок. Таксама ён распавёў пра гісторыю архіва, асноўныя кірункі яго працы і склад дакументаў.

У другой частцы экскурсіі загадчык аддзела фондаў асабістага паходжання І.У.Дарагуш і загадчык аддзела інфармацыйна-пошукавых сістэм В.Ю.Юркевіч правялі для навучэнцаў аглядныя экскурсіі ў архівасховішчах НАРБ, дзе прадэманстравалі для падлеткаў найбольш цікавыя дакументы па найноўшай гісторыі Беларусі.

Таксама для навучэнцаў быў прадэманстраваны відэаролік «Мы памятаем…», падрыхтаваны супрацоўнікамі архіва з прымяненнем тэхналогій штучнага інтэлекту.

1. Выступленне намесніка дырэктара НАРБ С.В.Кулінка

2. Навучэнцы Мінскага радыётэхнічнага каледжа ў НАРБ

3. В.Ю.Юркевіч знаёміць навучэнцаў з дакументамі партызанскіх фарміраванняў

4. І.У.Дарагуш знаёміць навучэнцаў з дакументамі з фондаў асабістага паходжання