28 красавіка 2017 года адбыўся рэспубліканскі семінар «Аб эксплуатацыі Сістэмы адкрытага доступу да дакументаў Нацыянальнага архіўнага фонду (САДД НАФ)»

Дэпартамент па архівах і справаводству Міністэрства юстыцыі Рэспублікі Беларусь (Дэпартамент) сумесна з ГУ «Беларускі навукова-даследчы цэнтр электроннай дакументацыі» (БелНДЦЭД) правялі рэспубліканскі семінар «Аб эксплуатацыі Сістэмы адкрытага доступу да дакументаў Нацыянальнага архіўнага фонду (САДД НАФ)».

На семінар прыехалі прадстаўнікі рэспубліканскіх, абласных і занальных дзяржаўных архіваў усіх шасці абласцей і горада Мінска – кіраўнікі і спецыялісты архіўных устаноў, якія ўдзельнічаюць у працэсе напаўнення САДД НАФ архіўнай інфармацыяй, усяго больш за 50 чалавек.

Перад удзельнікамі семінара з прывітальным словам выступіў дырэктар Дэпартамента В.І.Кураш, які падкрэсліў важнасць і значнасць разглядаемых на семінары пытанняў, паколькі асновай далейшага паўнавартаснага развіцця архіўнай справы з’яўляецца паспяховасць працэсаў лічбавай трансфармацыі ў галіне.

Былі заслуханы даклады і выступленні прадстаўнікоў Дэпартамента, БелНДЦЭД, НАРБ, Дзяржархіву Віцебскай вобласці. У рамках падвядзення першых вынікаў працы з САДД НАФ спецыялісты расказалі аб арганізацыйным забеспячэнні работ з САДД НАФ, аб стане, праблемах і магчымасцях сістэмы. З вялікай цікавасцю ўдзельнікамі абмяркоўваліся пытанні, якія тычацца далейшага інфармацыйнага напаўнення САДД НАФ.

Падводзячы вынікі семінара, намеснік дырэктара Дэпартамента А. А. Лядоўская нагадала аб тым, што цяперашнія дасягненні – вынік карпатлівай і шматгадовай працы архівістаў. У цяперашні час, пры нарастаючай ролі архіваў як устаноў, якія прадстаўляюць доступ да інфармацыйных рэсурсаў, дадзены накірунак неабходна развіваць. З улікам сусветнага вопыту будуць працягваць вызначацца аптымальныя патрабаванні да механізму ўзаемадзеяння карыстальнікаў з архівамі пры атрыманні аддаленага доступу да зместу дакументаў, а таксама пры прадастаўленні іншых відаў электронных паслуг дзяржархівамі.