Экскурсія для супрацоўнікаў Палаты падатковых кансультантаў прайшла ў Нацыянальным архіве Рэспублікі Беларусь
17 лістапада 2026 года ў Нацыянальным архіве Рэспублікі Беларусь (далей – НАРБ) адбылася экскурсія для супрацоўнікаў Палаты падатковых кансультантаў.
З прывітальным словам да гасцей звярнулася дырэктар НАРБ Алена Аляксандраўна Стуканава. Яна расказала аб асноўных напрамках дзейнасці ўстановы, а таксама аб вялікай працы, якая праводзіцца ў архіве ў галіне публікацыйнай і выставачнай дзейнасці.
Загадчыца аддзела выкарыстання дакументаў і інфармацыі НАРБ Маргарыта Анатолеўна Старасценка правяла экскурсію па архіве, расказала аб яго гісторыі, складзе і асаблівасцях захоўвання дакументаў. Падчас экскурсіі наведвальнікі азнаёміліся з архіўнымі дакументамі, якія адлюстроўваюць эвалюцыю сістэмы падаткаабкладання, вытокі фінансавай справы і ключавыя этапы станаўлення эканомікі нашай краіны. Таксама былі прадстаўлены дакументы па гісторыі партызанскага руху і аб злачынствах нямецкіх акупацыйных улад супраць грамадзянскага насельніцтва, аб вывазе мірных жыхароў БССР на прымусовыя работы ў Германію.
Госці наведалі чытальную залу НАРБ і архівасховішчы, дзе ім былі прадэманстраваны дакументы партызанскіх фарміраванняў. Таксама ўдзельнікі экскурсіі азнаёміліся з выстаўкамі «Лідэры. Працаўніцы. Лёсы» і «Нам не забыць чэрвеньскі гэты дзень…».
Інфармацыя прадастаўлена загадчыцай аддзела выкарыстання дакументаў і інфармацыі М.А.Старасценка.
![]() |
| 1. З прывітальным словам да прысутных выступіў дырэктар Нацыянальнага архіва Рэспублікі Беларусь А.А.Стуканава |
![]() |
| 2. Загадчык аддзела М.А.Старасценка расказала аб дакументах перыяду Вялікай Айчыннай вайны. |
![]() |
| 3. Загадчык аддзела М.А.Старасценка расказала аб дакументах перыяду Вялікай Айчыннай вайны. |
![]() |
| 4. Загадчык аддзела М.А.Старасценка расказала аб дакументах перыяду Вялікай Айчыннай вайны. |




