Установа «Занальны дзяржаўны архіў у г.Крычаве» пры правядзенні мерапрыемства ў рамках рэспубліканскай акцыі «Архівы-Школе», у рамках пілотнага праекта «Юны архівіст»

4 кастрычніка 2026 года ў рамках рэспубліканскай акцыі «Архівы-Школе», у рамках пілотнага праекта «Юны архівіст» на базе архіва для навучэнцаў 8 класа «Сярэдняй школы №7 г.Крычава» напярэдадні Дня Кастрычніцкай рэвалюцыі, быў праведзены інфармацыйны час «Старонкі гісторыі», а таксама падрыхтавана і прадстаўлена стэндавая выстава фатаграфій «Хронікі Вялікага Кастрычніка: застылыя імгненні».

Вядучы архівіст Вікторыя Кандраценка расказала дзецям аб дзяржаўным свяце Дні Кастрычніцкай рэвалюцыі. Бо 7 лістапада 1917 года – знамянальная дата ў летапісе многіх народаў, якая вызначыла ход сусветнай гісторыі. Кастрычніцкая рэвалюцыя адкрыла новую эпоху ў развіцці чалавецтва і з’явілася адной з найбуйнейшых палітычных падзей 20 стагоддзя, якая моцна паўплывала на развіццё сусветнай гісторыі. Дата здзяйснення Вялікай Кастрычніцкай сацыялістычнай рэвалюцыі прыпадае на 25 кастрычніка (па юліянскім календары), аднак з лютага 1918 года было вырашана перайсці на грыгарыянскі каляндар, такім чынам, 25 кастрычніка стала 7 лістападам.

Гісторыя гэтага свята дапамагае лепш зразумець нашае мінулае і разабрацца ў сучаснасці. Бо ідэі аб’яднання і салідарнасці працоўных, роўнасці ўсіх людзей застаюцца актуальнымі і ў наш час.

Таксама вучням была прадстаўлена стэндавая выстава фатаграфій «Хронікі Вялікага Кастрычніка: застылыя імгненні», бо кожная фатаграфія, гэта дакумент, у якім спыніўся час. Рабятам прапаноўвалася зазірнуць у мінулае і ўбачыць гісторыю. Гэтыя чорна-белыя здымкі захавалі атмасферу мінулых гадоў.

У завяршэнні мерапрыемстваў вучні наведалі архівасховішча і ўбачылі, як і дзе захоўваюцца дакументы.

На фота: Вядучы архівіст Вікторыя Кандраценка пры правядзенні інфармацыйнай гадзіны «Кастрычніцкая рэвалюцыя. Старонкі гісторыі», а таксама прадстаўленне стэндавай выставы фатаграфій «Хронікі Вялікага Кастрычніка: застылыя імгненні».