Аб правядзенні ва ўстанове «Дзяржаўны архіў Гомельскай вобласці» ваенна-патрыятычнага мерапрыемства ў межах акцыі «Архівы – школе»

9 кастрычніка 2026 г. у чытальнай зале Дзяржаўнага архіва Гомельскай вобласці адбыўся ўрок, накіраваны на ваенна-патрыятычнае выхаванне падрастаючага пакалення.

У мерапрыемстве прынялі ўдзел прадстаўнікі ГА «Беларускі саюз афіцэраў» г.Гомеля афіцэры запасу Юрый Лебедзеў і Сяргей Гарбачоў, ваеннаслужачыя 103-й Віцебскай асобнай гвардзейскай паветрана-дэсантнай брыгады, навучэнцы старшых класаў падшэфнай сярэдняй школы № 75 г.Гомеля і архівісты.

Адкрываючы мерапрыемства, дырэктар архіва Юрый Шастапалаў звярнуўся да навучэнцаў з такімі словамі:

– Ёсць такая прафесія – Радзіму абараняць. Праходжанне спецыяльнага навучання прывівае баявы дух і фарміруе навыкі выжывання, валодання зброяй і зладжанай працы ў камандзе. Тым, хто абярэ ваенную прафесію, краіна даверыць сваё мірнае існаванне і абарону рубяжоў. У свеце прафесій няма больш значнай і больш патрэбнай дзейнасці. Таму задумайцеся пра неабходную і высакародную ваенную прафесію.

Асноўная ўвага на ўроку была ўдзелена тэме падрыхтоўкі дапрызыўнай моладзі да службы ва Узброеных Сілах Радзімы на прынцыпах патрыятызму, гуманізму, афіцэрскага гонару, асабістай годнасці і высокай маралі.

Ваеннаслужачыя прадэманстравалі навучэнцам віды зброі і ахоўнага абмундзіравання, а таксама спосабы разборкі і валодання зброяй. З вялікай цікавасцю юнакі і дзяўчаты разбіралі аўтаматы, задавалі пытанні, якія іх цікавілі.

Архівісты таксама далучыліся да агульнага абмеркавання тэмы ваеннай адукацыі, паколькі ў сем’ях заўсёды актуальным застаецца пытанне праходжання тэрміновай службы і выбару будучай прафесіі.

1. Выступленне дырэктара архіва Ю.Шастапалава

2–6. Падчас правядзення ўрока