Аб правядзенні ў Нацыянальным архіве Рэспублікі Беларусь заняткаў для слухачоў Мінскага гарадскога інстытута развіцця адукацыі

02 кастрычніка 2026 года ў рамках акцыі «Архівы – школе» на базе Нацыянальнага архіва Рэспублікі Беларусь (далей – НАРБ) былі праведзены навучальныя заняткі для слухачоў Мінскага гарадскога iнстытута развiцця адукацыi.

З прывітальным словам да работнікаў устаноў адукацыі г.Мінска звярнуўся намеснік дырэктара НАРБ, к.г.н. С.В.Кулінок. Святаслаў Валянцінавіч расказаў аб структуры архіўнай галіны Рэспублікі Беларусь і аб асноўных напрамках дзейнасці архіваў на сучасным этапе. Таксама ў сваім выступленні ён падкрэсліў значнасць узаемадзеяння архіваў і адукацыйных устаноў ва ўмацаванні метадычнай і тэарэтыка-педагагічнай базы.

Загадчык аддзела фондаў асабістага паходжання НАРБ І.У.Дарагуш правяла заняткі на тэму «Архівы – сховішча гістарычнай памяці». Інэса Уладзіміраўна расказала пра гісторыю архіва, склад і асаблівасці захоўвання дакументаў, работу архіва ў галіне публікацыйнай і выставачнай дзейнасці, а таксама магчымасць выкарыстання архіўных дакументаў у напісанні конкурсных даследчых работ і пры падрыхтоўцы праектаў з выкарыстаннем штучнага інтэлекту. Падчас правядзення лекцыі асаблівая ўвага была ўдзелена рабоце НАРБ у рэалізацыі акцыі «Архівы – школе». Таксама Дарагуш І.У. расказала аб мерапрыемствах, якія праводзяцца НАРБ для школьнікаў і работнікаў устаноў адукацыі Рэспублікі Беларусь, адказала на пытанні.

Пасля заняткаў слухачы наведалі архівасховішча фондаў партызанскіх фарміраванняў, дзе азнаёміліся з дакументамі каманднага састава партызанскіх атрадаў і брыгад, награднымі лістамі, фатаграфіямі і iнш.

1. Намеснік дырэктара НАРБ С.В.Кулінок выступае перад педагогамі ўстаноў адукацыі г.Мінска

2. Загадчык аддзела фондаў асабістага паходжання НАРБ І.У.Дарагуш праводзіць навучальныя заняткі

3. Загадчык аддзела фондаў асабістага паходжання У.В.Дарагуш азнаямлівае педагогаў устаноў адукацыі г.Мінска з дакументамі партызанскіх фарміраванняў

4. Педагогі ўстаноў адукацыі г.Мінска падчас наведвання архівасховішча фондаў партызанскіх фарміраванняў