Архівісты Беларусі прынялі ўдзел у рабоце Міжнароднага форуму Саюзнай дзяржавы «Вялікая спадчына – агульная будучыня»

20-22 чэрвеня 2026 года ў Брэсце прайшоў Міжнародны форум Саюзнай дзяржавы «Вялікая спадчына – агульная будучыня». Правядзенне форуму ініцыявана парламенцкім сходам Саюза Беларусі і Расіі.

Удзел у форуме прыняла і дэлегацыя архівістаў Беларусі на чале з дырэктарам Дэпартамента па архівах і справаводстве Міністэрства юстыцыі Рэспублікі Беларусь (далей – Дэпартамент) А.Л.Воінавым.

21 чэрвеня ў рамках секцыйных пасяджэнняў былі прадстаўлены тры даклады. Дырэктар Дэпартамента А.Л.Воінаў на секцыі № 1 («Гісторыя Вялікай Айчыннай вайны як кансалідуючы фактар інтэграцыйных працэсаў на постсавецкай прасторы») выступіў з дакладам «Дзейнасць архівістаў па папулярызацыі дакументаў па гісторыі партызанскага руху на тэрыторыі Беларусі ў гады Вялікай Айчыннай вайны».

На секцыі № 2 («Духоўна-культурныя асновы Вялікай Перамогі») выступіла з дакладам «Жанчыны ў партызанскім руху Беларусі» загадчык аддзела публікацый Нацыянальнага архіва Рэспублікі Беларусь (далей – НАРБ) У.А.Калабаева. Намеснік дырэктара НАРБ С.В.Кулінок выступіў з дакладам «Дакументальныя выданні Нацыянальнага архіва Рэспублікі Беларусь па гісторыі Вялікай Айчыннай вайны (генацыду) – найважнейшы фактар процідзеяння пагрозам неанацызму ў Рэспубліцы Беларусь» на секцыі № 3 («Iдэалогія неанацызму як пагроза цывілізацыйнаму светапарадку ў кантэксце эскалацыі міжнароднай напружанасці»).

22 чэрвеня адбылося пленарнае пасяджэнне форуму. У адрас удзельнікаў форуму былі зачытаны прывітальныя словы Прэзідэнта Рэспублікі Беларусь А.Р.Лукашэнкі і Прэзідэнта Расійскай Федэрацыі У.У.Пуціна. З дакладамі выступілі першы намеснік старшыні Парламенцкага сходу Саюза Беларусі і Расіі, старшыня Палаты прадстаўнікоў Нацыянальнага сходу Беларусі восьмага склікання I.П.Сяргеенка, старшыня парламенцкага сходу Саюза Беларусі і Расіі, Старшыня Дзяржаўнай Думы Федэральнага Сходу Расійскай Федэрацыі В.В.Валодзін, а таксама парламентарыі з другасных краін Еўропы, Азіі і Лацінскай Амерыкі.

Выпрацаваныя падчас форуму перспектыўныя напрамкі работы лягуць у аснову канкрэтных праектаў і мерапрыемстваў Саюзнай дзяржавы. Міжнародны форум «Вялікая спадчына – агульная будучыня» працягне сваю працу і ў наступныя гады, застаючыся важнай дыялогавай пляцоўкай для абароны гістарычнай праўды і ўмацавання супрацоўніцтва паміж краінамі.

1. А.Л.Воінаў за работай у секцыі № 1

2. У.А.Калабаева за работай у секцыі № 2

3. У.А.Калабаева і С.В.Кулинок на форуме

4. У.А.Калабаева дае інтэрв’ю рэспубліканскім СМІ

5. Прывітальнае слова I.П.Сергеенка