Удзел супрацоўнікаў Нацыянальнага архіва Рэспублікі Беларусь у культурна-патрыятычным фестывалі «Мінск адзіны»

9 красавіка 2026 года ў Нацыянальнай бібліятэцы Беларусі з вялікім поспехам прайшоў культурна-патрыятычны фестываль «Мінск адзіны». Гэта маштабная падзея аб’яднала прадстаўнікоў розных прафесій і пакаленняў пад агульнымі каштоўнасцямі любові да Радзімы.

У святочнай атмасферы мерапрыемства прынялі ўдзел супрацоўнікі Нацыянальнага архіва Рэспублікі Беларусь (далей – НАРБ), члены Беларускага Саюза Жанчын: загадчыца аддзела, старшыня пярвічнай арганізацыі БСЖ НАРБ М.А.Старасценка і галоўны архівіст НАРБ Н.А.Пуставойт.

Асноўнай тэмай свята сталі яднанне беларускага народа і агульныя дасягненні краіны, якімі па праву можа ганарыцца кожны грамадзянін. Праграма была напоўнена глыбокім сэнсам: са сцэны гучалі творчыя нумары, прысвечаныя сапраўднаму патрыятызму, светлай памяці герояў Вялікай Айчыннай вайны і самаму каштоўнаму, што ў нас ёсць – мірнаму небу над галавой.

Выступленні артыстаў знайшлі жывы водгук у сэрцах гледачоў. Многія нумары выклікалі шчырыя эмоцыі, а пранізлівыя песні пра Радзіму і подзвіг народа краналі да слёз, нагадваючы пра важнасць захавання гістарычнай памяці.

Удзел у такіх праектах падкрэслівае адзінства працоўных калектываў сталіцы і іх агульную адказнасць за працвітанне роднай Беларусі.

1. Загадчык аддзела НАРБ, старшыня першаснай арганізацыі БСЖ НАРБ М.А.Старасценка і галоўны архівіст НАРБ, член БСЖ Н.А.Пуставойт на фестывалі

2. Старшыня першаснай арганізацыі БСЖ НАРБ М.А.Старасценка – удзельнік фестывалю

3. Галоўны архівіст НАРБ, член БСЖ Н.А.Пуставойт на фестывалі

4. Удзельнікі мерапрыемства

5. Святочны канцэрт для ўдзельнікаў мерапрыемства

6. Выставачныя праекты на фестывалі