У архіве грамадскіх аб’яднанняў Гомельскай вобласці прайшлі мерапрыемствы, прымеркаваныя да Дня Канстытуцыі Рэспублікі Беларусь

Ва ўстанове «Дзяржаўны архіў грамадскіх аб’яднанняў Гомельскай вобласці» для навучэнцаў устаноў адукацыі «Гомельскі дзяржаўны каледж кулінарыі», «Гомельскі дзяржаўны машынабудаўнічы каледж» і «Гомельскі дзяржаўны каледж бытавога абслугоўвання» праведзены тэматычныя мерапрыемствы «Мы ганарымся сваёй краінай», прымеркаваныя да Дня Канстытуцыі Рэспублікі Беларусь.

У ходзе мерапрыемстваў архівісты нагадалі дзецям гісторыю стварэння Канстытуцыі Рэспублікі Беларусь, аб унесеных у яе зменах, яе прызначэнні і ролі ў сучасным грамадстве. Дзеці вывучылі структуру Канстытуцыі, абмеркавалі асноўныя правы, свабоды і абавязкі грамадзян Рэспублікі Беларусь, а таксама паўдзельнічалі ў віктарыне «Ці ведаеш ты Закон?».

Акрамя гэтага супрацоўнікі архіва падрабязна спыніліся на арт. 15 Канстытуцыі РБ «Дзяржава забяспечвае захаванне гістарычнай праўды і памяці аб гераічным подзвігу беларускага народа ў гады Вялікай Айчыннай вайны».

Мерапрыемствы завяршыліся дэманстрацыяй дакументальнага фільма «30 гадоў Канстытуцыі Рэспублікі Беларусь», падрыхтаванага установай «Беларускі дзяржаўны архіў кінафотафонадакументаў» і агляднымі экскурсіямі па архіве.

1-4. Навучэнцы УА «Гомельскі дзяржаўны каледж бытавога абслугоўвання» падчас мерапрыемства

5-8. Навучэнцы УА «Гомельскі дзяржаўны каледж кулінарыі» падчас мерапрыемства

9. Навучэнцы УА «Гомельскі дзяржаўны каледж кулінарыі» падчас агляднай экскурсіі

10. Навучэнцы УА «Гомельскі дзяржаўны машынабудаўнічы каледж» падчас мерапрыемства

11. Навучэнцы УА «Гомельскі дзяржаўны машынабудаўнічы каледж» падчас агляднай экскурсіі