Архіўны дух і вайсковая выпраўка: як у Нацыянальным гістарычным архіве Беларусі павіншавалі мужчын з Днём абаронцаў Айчыны

Апублікавана: 24 лютага 2026 г.

Святочная раніца 23 лютага ў Нацыянальным гістарычным архіве Беларусі пачалася з яркага сюрпрызу. З самай раніцы ў фае першага паверха панавала атмасфера ўрачыстасці і радасці: жаночая палова калектыву падрыхтавала для сваіх калег-мужчын незвычайную сустрэчу.

Кожнага мужчыну сустракалі ўсмешкамі і добрымі пажаданнямі. Апроч традыцыйных цёплых слоў, мужчынам уручалі смачныя наборы для падтрымання баявога духу, а таксама жартоўныя, але па-армейску строгія павесткі, якія прадпісвалі неадкладна з’явіцца на святочныя мерапрыемствы. А каб сагрэцца ў лютаўскую раніцу, кожнаму прапаноўвалі гарачую салодкую гарбату з пачастункамі. Такі крэатыўны падыход з першых хвілін задаў выдатны настрой на ўвесь працоўны дзень.

1. Уручэнне салодкіх падарункаў

2. Уручэнне святочнай павесткі

3. Уручэнне святочнай павесткі

4. Пачастунак салодкай гарбатай

5. Уручэнне салодкіх падарункаў і святочнай павесткі

6. Уручэнне салодкіх падарункаў і святочнай павесткі

7. Уручэнне салодкіх падарункаў і святочнай павесткі

8. Уручэнне салодкіх падарункаў і святочнай павесткі

9. Уручэнне салодкіх падарункаў і святочнай павесткі

10. Уручэнне салодкіх падарункаў і святочнай павесткі

11. Уручэнне салодкіх падарункаў і святочнай павесткі

Урачыстая частка працягнулася ў канферэнц-зале. Афіцыйныя віншаванні намесніка дырэктара архіва Наталіі Булойчык змяніліся кранальнай і душэўнай праграмай.

12. Намеснік дырэктара НГА Беларусі Наталія Булойчык віншуе калег са святам

13. Калектыў НГА Беларусі

Галоўнай падзеяй стала прэзентацыя «Нашы абаронцы». Асаблівасцю паказу стала выкарыстанне архіўных, у самым прамым сэнсе слова, кадраў – дзіцячых фатаграфій супрацоўнікаў архіва. Гледачы з захапленнем і добрым смехам пазнавалі ў маленькіх хлопчыках на чорна-белых і каляровых здымках сваіх сённяшніх калег.Кожнае фота суправаджалася спецыяльна падрыхтаванымі вершамі, якія падкрэслівалі ўнікальныя рысы характару і прафесійныя таленты кожнага віноўніка ўрачыстасці.

14. Уручэнне памятных фатаграфій удзельнікам прэзентацыі

15. Уручэнне памятных фатаграфій удзельнікам прэзентацыі

16. Уручэнне памятных фатаграфій удзельнікам прэзентацыі

Не абышлося і без праверкі на трапнасць. Праграму працягнуў спаборніцкі блок – кіданне шарыкаў у кошык. Нягледзячы на ўяўную прастату, спаборніцтва выклікала сур’ёзны азарт. Мужчыны прадэманстравалі выдатную каардынацыю і волю да перамогі.

Па выніках турніру былі вызначаны самыя трапныя стралкі, якія занялі тры прызавыя месцы. Пераможцы атрымалі заслужаныя ўзнагароды і апладысменты калег.

17. Удзельнік турніру на трапнасць

18. Удзельнік турніру на трапнасць

19. Пераможцы турніру

20. Нашы абаронцы

Мы ганарымся нашымі абаронцамі і жадаем ім моцнага здароўя, шчасця, упэўненасці ў сваіх сілах, аптымізму і мірнага неба!