«Сябар, прарок, настаўнік» і іншыя тэхнікі аратарскага майстэрства: архівіст установы «Занальны дзяржаўны архіў у г.Маладзечна» прыняла ўдзел у мерапрыемстве моладзевага актыву РГА «Белая Русь»

Уменне прыгожа і правільна падаваць свае думкі, захоўваць чысціню мовы — асноўныя складнікі прамоўніцкага мастацтва. Сёння немагчыма пераацаніць ролю гэтага навыку як у прафесійнай, так і ў грамадскім жыцці.

Архівіст установы «Занальны дзяржаўны архіў у г.Маладзечна» Марыя Мячкоўская прыняла ўдзел у мерапрыемстве моладзевага актыву РГА «Белая Русь», прысвечаным развіццю тэхнікі маўлення і прамоўніцкага майстэрства. Падчас правядзення майстар-класаў эксперты падзяліліся прыёмамі і парадамі аб тым, як справіцца з хваляваннем на публіцы, палепшыць дыкцыю і тэмбр голасу, утрымаць увагу аўдыторыі і многае іншае.

Праграма сустрэчы ўключала інтэнсіў па ўдасканаленні навыкаў маўлення на базе Нацыянальнага дзіцячага тэхнапарка, экскурсію на кінастудыю «Беларусьфільм», знаёмства з мастацтвам стварэння кінафільмаў, наведванне лабараторый, дзе рыхтуюць новыя пакаленні даследчыкаў і інаватараў. У рамках творчай лекцыі было таксама асветлена пытанне аб фарміраванні погляду на Вялікую Айчынную вайну ў беларускім кінематографе.

Немалаважную ролю сустрэчы адзначыў Андрэй Іванец-Міністр адукацыі Рэспублікі Беларусь, старшыня РГА «Белая Русь»: «Майстар-класы далі вам важныя прафесійныя арыенціры, але памятайце: тэхналогіі і методыкі пастаянна ўдасканальваюцца. Самае галоўнае-захаваць тую дружбу, якую ўсталюеце тут. Менавіта такія шчырыя чалавечыя сувязі становяцца надзейнай апорай для любога спецыяліста і патрыёта сваёй краіны».

Для архівіста ўдзел у падобных мерапрыемствах мае асаблівае значэнне. Архівы сёння выступаюць не толькі захавальнікамі гістарычнай памяці, але і актыўнымі ўдзельнікамі дыялогавых пляцовак, спікерамі на сустрэчах з рознымі мэтавымі аўдыторыямі — ад школьнікаў і студэнтаў да прафесійных супольнасцяў. Валоданне тэхнікай прамовы і навыкамі публічнага выступу дазваляе супрацоўнікам архіва эфектыўна прадстаўляць вынікі сваёй працы, папулярызаваць архіўную спадчыну, фарміраваць паважлівае стаўленне да гісторыі і ўмацоўваць давер грамадства да архіўных інстытутах.

На фота: Падчас мерапрыемства.