Аб правядзенні семінара ў Міністэрстве эканомікі Рэспублікі Беларусь

25 лістапада 2025 г. у рамках мерапрыемстваў, накіраваных на выкананне даручэння Савета Міністраў Рэспублікі Беларусь па пытаннях аптымізацыі дакументазвароту ў рэспубліканскіх органах дзяржаўнага кіравання, у Міністэрстве эканомікі Рэспублікі Беларусь адбыўся семінар «Аб удасканаленні справаводства і архіўнага захоўвання дакументаў» з удзелам кіраўнікоў структурных падраздзяленняў цэнтральнага апарату міністэрства і работнікаў, адказных за арганізацыю і вядзенне справаводства.

У рабоце семінара прынялі ўдзел дырэктар Беларускага навукова-даследчага інстытута дакументазнаўства і архіўнай справы А.Я.Рыбакоў, загадчык аддзела справаводства і фарміравання НАФ Нацыянальнага архіва Рэспублікі Беларусь Т.А.Шаўчэнка, намеснік загадчыка гэтага ж аддзела, куратар сістэмы Мінэканомікі Р.В.Раманенкава.

Семінар адкрыў начальнік Галоўнага ўпраўлення кантролю і справаводства міністэрства І.В.Латушкін, які пазначыў мэты і задачы семінара, падкрэсліў важнасць рэалізацыі мерапрыемстваў, накіраваных на выкананне Дырэктывы Прэзідэнта Рэспублікі Беларусь ад 2 красавіка 2025 г. №11 «Аб удасканаленні функцыянавання сістэмы органаў улады і кіравання, узмацненні выканальніцкай дысцыпліны».

А.Я.Рыбакоў выступіў з дакладам-прэзентацыяй на тэму «Практычныя падыходы да аптымізацыі дакументаўтварэння і дакументазвароту», у якім раскрыў асноўныя напрамкі аптымізацыі дакументаўтварэння, спосабы і метады скарачэння аб’ёму дакументазвароту ў сучасных умовах з улікам галіновай спецыфікі.

Т.А.Шаўчэнка ў сваім выступленні спынілася на практычных пытаннях арганізацыі справаводства і архіўнага захоўвання дакументаў. Асаблівая ўвага была ўдзелена пытанням падрыхтоўкі і перадачы на пастаяннае захоўванне ў дзяржаўныя архівы электронных дакументаў.

Па заканчэнні семінара прадстаўнікі архіўнай службы адказалі на пытанні ўдзельнікаў.

Рэалізацыя мерапрыемстваў, накіраваных на выкананне даручэння Савета Міністраў Рэспублікі Беларусь па аптымізацыі дакументаўтварэння і дакументаабароту, удасканаленне справаводства і архіўнага захоўвання дакументаў, будзе прадоўжана.

1. І.В.Латушкін адкрывае работу семінара

2. А.Я.Рыбакоў выступае з дакладам-прэзентацыяй

3. Удзельнікі семінара падчас занятку