БДАМЛМ на свяце паэзіі ў Вязынцы

12 ліпеня 2025 года работнікі Беларускага дзяржаўнага архіва-музея літаратуры і мастацтва (далей БДАМЛМ) прынялі ўдзел у рэспубліканскім свяце паэзіі, песні і народных рамёстваў «З адною думкаю аб шчасці Беларусі…», арганізаваным Дзяржаўным літаратурным музеем Янкі Купалы, Маладзечанскім райвыканкамам і Саюзам пісьменнікаў Беларусі ў Купалаўскім мемарыяльным запаведніку «Вязынка».

Вязынка – радзіма Янкі Купалы, першага народнага паэта Беларусі. Свята паэзіі ў мемарыяльным запаведніку мае традыцыйны характар і ладзіцца штогод. У гэтым годзе святочная праграма ўключала выступленні вядомых беларускіх пісьменнікаў і журналістаў, музычных калектываў, запрошаных Рэспубліканскім цэнтрам нацыянальных культур, фальклорных калектываў Маладзечанскага района, былі арганізаваны майстар-класы для прыхільнікаў народнай творчасці.

Работнікі БДАМЛМ прынялі ўдзел ва ўскладанні кветак да помніка народнага паэта і азнаёміліся з экспазіцыяй музея мемарыяльнага запаведніка. Яна ўключае выявы дакументаў, арыгіналы якіх захоўваюцца ў архіве-музее. Наведванне свята «З адною думкаю аб шчасці Беларусі…» накіравана на ўзмацненне традыцыйных сувязей БДАМЛМ з літаратурнымі музеямі Беларусі, а таксама ўзаемадзеянне з пісьменнікамі, фондадаўцамі БДАМЛМ.

1. Работнікі БДАМЛМ каля помніка Я.Купалы ў Вязынцы

2. Свята «З адною думкаю аб шчасці Беларусі…»

3. Работнікі БДАМЛМ на свяце «З адною думкаю аб шчасці Беларусі…»

4. Выявы дакументаў музея мемарыяльнага запаведніка (злева), арыгіналы якіх захоўваюцца ў фондах БДАМЛМ