Правядзенне ўрокаў для вучняў ДУА«Сярэдняя школа №42 г.Гродна» у рамках акцыі «Архівы-школе» ва ўстанове «Дзяржаўны архіў Гродзенскай вобласці»

11 красавіка 2025года ў рамках акцыі «Архівы – школе» установай «Дзяржаўны архіў Гродзенскай вобласці» для навучэнцаў 9класаў ДУА«Сярэдняя школа №42 г.Гродна» былі праведзены 2урока на тэмы «Дзяржаўны архіў Гродзенскай вобласці: гісторыя і сучаснасць» і «Генацыд беларускага народа ў гады Вялікай Айчыннай вайны».

Супрацоўнікі архіва распавялі школьнікам пра гісторыю стварэння архіва, асноўных напрамках яго дзейнасці, а таксама аб значнасці прафесіі архівіст. Увазе навучэнцаў былі прадстаўлены найбольш цікавыя і каштоўныя дакументы, якія знаходзяцца на захоўванні ў архіве.

Таксама дзецям былі паказаны дакументальныя матэрыялы, якія ілюструюць злачынную дзейнасць акупацыйных уладаў: карткі ваеннапалонных, якія знаходзіліся ў нямецкіх лагерах, пасведчанні вязняў гета. Падчас урокаў дзеці азнаёміліся з выставамі дакументаў, якія экспануюцца ў чытальнай зале.

У лабараторыі па рэстаўрацыі, вокладцы і рамонце дакументаў навучэнцы паназіралі за працэсам аднаўлення папяровых носьбітаў інфармацыі. Завяршыўся ўрок агляднай экскурсіяй па архівасховішчу.

1−2. Навучэнцы ДУА«Сярэдняя школа №42 г.Гродна» знаёмяцца з дакументамі ў чытальнай зале архіва.

3. Навучэнцы ДУА«Сярэдняя школа №42 г.Гродна» падчас наведвання архівасховішча.

4. Навучэнцы ДУА«Сярэдняя школа №42 г.Гродна» падчас наведвання лабараторыі па рэстаўрацыі, вокладцы і рамонце дакументаў.