Дзяржаўным архівам Віцебскай вобласці з мэтай папулярызацыі YouTube-канала (@bdakffd) Установы «Беларускі дзяржаўны архіў кінафотафонадакументаў» распрацавана рэкламная ўлётка аб БДАКФФД і яго рэсурсах

Установа «Беларускі дзяржаўны архіў кінафотафонадакументаў», заснаваная ў 1941 годзе, з’яўляецца адзіным у Беларусі архівам, які спецыялізуецца на працы з кіна-, фота-, фона- і відэадакументамі. Сёння ў фондах БДАКФФД захоўваецца звыш 52 тысяч адзінак захоўвання кінадакументаў, 275 тысяч адзінак захоўвання фотадакументаў, 22 тысяч адзінак захоўвання фонадакументаў, 7 тысяч адзінак захоўвання відэадакументаў. Дакументы, якія захоўваюцца ў фондах БДАКФФД, уяўляюць сабой гістарычную крыніцу, якая зафіксавала ў рэальнай дзейнасці падзеі, з’явы, факты.

У рамках праекта «Адкрыты кінаархіў» Беларускі дзяржаўны архіў кінафотафонадакументаў пад эгідай Міністэрства юстыцыі Рэспублікі Беларусь і Дэпартамента па архівах і справаводстве на аснове архіўнай хронікі рыхтуе дакументальныя фільмы, прысвечаныя знамянальным датам у гісторыі краіны. Унікальныя гістарычныя кадры закліканы прадэманстраваць падзеі і людзей, якімі па праве ганарацца нашчадкі.

У рамках праекту «Адкрыты кінаархіў. Гэты дзень мы набліжалі як маглі» Дзяржархіву Віцебскай вобласці было дадзена права на дэманстрацыю сярод насельніцтва трох фільмаў («Вызваленне Віцебска», «Вызваленне» (Беларусі), «Аперацыя «Баграціён»). Мерапрыемствы з паказам хронікі знаходзяць жывы водгук у грамадскасці. Людзі дзеляцца сваімі ўражаннямі ад прагляду, цікавяцца месцам захоўвання хронікі, аўтарамі кіначасопісаў.

Архівісты Дзяржархіва Віцебскай вобласці выказваюць падзяку Міністэрству юстыцыі Рэспублікі Беларусь, Дэпартаменту па архівах і справаводству і Беларускаму дзяржаўнаму архіву кінафотафонадакументаў за магчымасць папулярызацыі хроніка-дакументальнай спадчыны. Архівісты і жыхары Віцебска з вялікім нецярпеннем чакаюць новыя кіначасопісы.

З мэтай папулярызацыі YouTube-канала (@bdakffd) Установы «Беларускі дзяржаўны архіў кінафотафонадакументаў», дзе сістэматычна размяшчаюцца новыя архіўныя фота- і відэаматэрыялы Дзяржаўным архівам Віцебскай вобласці распрацавана рэкламная ўлётка аб БДАКФФД і яго рэсурсах. Рэкламная ўлётка распаўсюджваецца падчас правядзення мерапрыемстваў сярод кіруючых работнікаў, грамадскасці, навучэнцаў школ і сярэдніх спецыяльных устаноў, каледжаў і студэнтаў ВНУ.

Прайс-ліст з інфармацыяй аб Установе «Беларускі дзяржаўны архіў кінафотафонадакументаў» і яго YouTube-канале