Дакументальная выстаўка для ўдзельнікаў абласнога семінара «Аб функцыянаванні службаў «Адно акно»

27 сакавіка 2025 года на базе Магілёўскага райвыканкама адбыўся абласны семінар «Аб функцыянаванні службаў «Адно акно». На мерапрыемстве прысутнічалі: старшыня Магілёўскага раённага выканаўчага камітэта Дзмітрый Мудрагелаў, кіраўнік спраў Магілёўскага абласнога выканаўчага камітэта Мікалай Дзядкоў, начальнік галоўнага ўпраўлення юстыцыі Магілёўскага абласнога выканаўчага камітэта Андрэй Сталяроў, начальнік упраўлення абавязковай юрыдычнай экспертызы, каардынацыі дзейнасці службаў «адно акно» па архівам і справаводству галоўнага ўпраўлення юстыцыі Магілёўскага абласнога выканаўчага камітэта Юлія Клінцова, кіраўнікі спраў і кіраўнікі службаў «Адно акно» Магілёўскай вобласці.

У рамках мерапрыемства ўстанова «Дзяржаўны архіў Магілёўскай вобласці» прадставіла дакументальную выставу найбольш цікавых дакументаў з фондаў архіва: асабістыя справы студэнтаў і выкладчыкаў Беларускай дзяржаўнай сельскагаспадарчай акадэміі, фільтрацыйна-праверачныя справы савецкіх грамадзян, якіх вывезлі на прымусовыя работы ў Германію ў гады Вялікай Айчыннай вайны, дакументы з калекцыі фондаў асабістага паходжання.

Прысутныя таксама змаглі азнаёміцца з банэрнай выставай «Зноў да мінулага поглядам наблізімся», створанай на аснове архіўных дакументаў і фатаграфій. Выстава прысвечана перыяду абароны, акупацыі і вызвалення Магілёва ў гады Вялікай Айчыннай вайны. Асобная частка выставы расказвае пра перыяд пасляваеннага аднаўлення горада.

Прадстаўленыя дакументы выклікалі жывую цікавасць ва ўдзельнікаў семінара.

1-3. Вядучы архівіст аддзела навуковага выкарыстання дакументаў і інфармацыі Аляксей Швыроў прадстаўляе ўдзельнікам семінара дакументальную выставу.

4-5. Удзельнікі семінара знаёмяцца з дакументамі, прадстаўленымі на выставе.

6. Фільтрацыйна-праверачныя справы на савецкіх грамадзян, якія былі вывезены ў Германію ў гады Вялікай Айчыннай вайны.