Міжнародны дзень тэатра ў рамках сумеснага праекта з Рэспублікай Татарстан «Дзень у гісторыі»

Апублікавана: 27 сакавіка 2025 г.

У рамках святкавання Міжнароднага дня тэатра Беларускі дзяржаўны архіў-музей літаратуры і мастацтва (далей БДАМЛМ) і Дзяржкамархіў Рэспублікі Татарстан працягваюць супрацоўніцтва ў праекце «Дзень у гісторыі» і прадстаўляюць архіўныя матэрыялы, звязаныя з выдатнымі дзеячамі тэатра.

Святкаванне Сусветнага дня тэатра ўпершыню адбылося ў 1961 годзе па ініцыятыве Міжнароднага інстытута тэатра (МІТ). З тых часоў яго штогод адзначаюць 27 сакавіка тэатры, дзеячы тэатра, аматары тэатра, тэатральныя ВНУ і школы.

БДАМЛМ, як найбуйнейшы архіў літаратуры і мастацтва Беларусі, захоўвае не толькі асабістыя фонды вядомых тэатральных дзеячаў, але і дакументы цэлых тэатральных калектываў. Гэта лісты, фатаграфіі, афішы, праграмы спектакляў, пратаколы мастацкіх саветаў, спісы работнікаў тэатра і іншыя матэрыялы, якія прадстаўляюць вялікую каштоўнасць для вывучэння гісторыі беларускага тэатра.

Напярэдадні Міжнароднага дня тэатра БДАМЛМ прадстаўляе ўнікальныя дакументы з фонду актрысы, народнай артысткі СССР Аляксандры Іванаўны Клімавай.

У сямейным фондзе А.І.Клімавай і яе мужа А.В.Карсакоўскага (Душачкіна) захоўваюцца фотадакументы з гастрольнай паездкі ў складзе трупы Дзяржаўнага Рускага драматычнага тэатра БССР у 1963 г. у Казань. Гэта фатаграфія Казанскага Вялікага драматычнага тэатра, у якім праходзілі гастролі беларускіх акцёраў, а таксама асабістыя фатаграфіі з паўсядзённага жыцця творчай сям’і. На прадстаўленых здымках можна ўбачыць іх маленькага сына Андрэя – будучага акцёра НАДТ імя М. Горкага, які гуляе ў двары тэатра, дзе выступалі яго бацькі, А.І.Клімаву, з сябрам сям’і, артыстам, рэжысёрам К.Л.Кулаковым.

У Міжнародны дзень тэатра мы ўспамінаем тых, хто ствараў тэатральную гісторыю нашай краіны і прысвяціў сваё жыццё сцэне.

1. Фотаздымак Вялікага Казанскага драматычнага тэатра [1963].
Ф. 228, воп. 3, адз.зах. 148, арк. 1.

2. Фотаздымак А.І.Клімавай з сынам Андрэем падчас гастролей у Казані [1963].
Ф. 228, воп. 3, адз.зах.133, арк. 3а.

3. Фотаздымак А.І.Клімавай з сынам Андрэем падчас гастролей у Казані [1963] (адварот).
Ф. 228, воп. 3, адз.зах. 133, арк. 3б.

4. Фотаздымак А.В.Карсакоўскага (Душачкіна) падчас гастролей у Казані [1963].
Ф. 228, воп. 3, адз.зах. 209, арк. 4.

5. Фотаздымкі беларускіх акцёраў падчас гастролей у Казані [1963].
Ф.228, воп. 3, адз.зах. 141, арк. 6.

6. Фотаздымак А.І.Клімавай з К.Л.Кулаковым падчас гастролей у Казані [1963].
Ф. 228, воп. 3, адз.зах. 141, арк. 5.