Пра ўрачысты сход працоўнага калектыву БДАНТД і БДАМЛМ

Напярэдадні святкавання Дня Канстытуцыі Рэспублікі Беларусь 14 сакавіка 2025 г. у Беларускім дзяржаўным архіве навукова-тэхнічнай дакументацыі і Беларускім дзяржаўным архіве-музеі літаратуры і мастацтва прайшоў урачысты сход працоўнага калектыву.

Дзень Канстытуцыі Рэспублікі Беларусь адзначаецца 15 сакавіка і прысвечаны асноўнаму закону дзяржавы, прынятаму ў 1994 г. Канстытуцыя замацавала прынцыпы суверэнітэту, дэмакратыі і прававой дзяржавы, вызначыла сістэму ўлады і правы грамадзян. Дакумент зведаў шэраг змен, найбольш значныя з якіх былі ўнесены на рэферэндуме 27 лютага 2022 г., адлюстроўваючы актуальныя выклікі і тэндэнцыі дзяржаўнага развіцця.

Сёння Канстытуцыя адыгрывае ключавую ролю ў забеспячэнні правапарадку, сацыяльна-эканамічнай стабільнасці і нацыянальнай ідэнтычнасці Беларусі, з’яўляючыся падмуркам яе прававой сістэмы.

З дакладам на сходзе выступіў дацэнт кафедры дзяржаўнага кіравання Акадэміі кіравання пры Прэзідэнце Рэспублікі Беларусь, кандыдат юрыдычных навук Андрэй Уладзіміравіч Гулякевіч. У фармаце адкрытага дыялога ён падрабязна асвятліў ключавыя аспекты станаўлення і развіцця Канстытуцыі Рэспублікі Беларусь, яе значэнне для прававога і інстытуцыйнага ўладкавання краіны.

Таксама супрацоўнікі архіваў прагледзелі відэаролік «Канстытуцыя маёй краіны», падрыхтаваны Беларускім дзяржаўным архівам кінафотафонадакументаў.

1. Дацэнт кафедры дзяржаўнага кіравання Акадэміі кіравання пры Прэзідэнце Рэспублікі Беларусь, кандыдат юрыдычных навук А.У.Гулякевіч у працэсе выступлення

2. Супрацоўнікі БДАНТД і БДАМЛМ падчас прагляду відэароліка