Хроніка-дакументальны фільм «Вызваленне», падрыхтаваны БДАКФФД, быў прэзентаваны для ўдзельнікаў круглага стала «Краязнаўчы рух на Полаччыне: вопыт, дасягненні і магчамсці»

100 гадоў таму пачало работу Полацкае краязнаўчае таварыства, дзейнасць якога садзейнічала масаваму вывучэнню мясцовай гісторыі. Вынікам яго працы стала адкрыццё Краязнаўчага музея, які дзейнічае сёння ў якасці філіяла Нацыянальнага Полацкага гісторыка-культурнага музея-запаведніка.

13 сакавіка 2024 г. у Полацку на пасяджэнні круглага стала «Краязнаўчы рух на Полаччыне: вопыт, дасягненні і магчамсці», прысвечанага 100-годдзю Полацкага краязнаўчага таварыства, сабраліся аматары краязнаўства – вучоныя, музейныя і архіўныя работнікі, бібліятэкары, выкладчыкі ВНУ, школ і каледжаў з гарадоў Мінска, Полацка, Віцебска, Наваполацка, Мёр. А ў якасці слухачоў прысутнічалі навучэнцы полацкіх каледжаў і школ, студэнты Полацкага дзяржаўнага ўніверсітэта.

Супрацоўнікі Дзяржархіва Віцебскай вобласці для ўдзельнікаў круглага стала агучылі інфармацыю пра рэспубліканскія акцыі «Адкрыты кінаархіў. Гэты дзень мы набліжалі як маглі», «Архівы – школе» і прэзентавалі хроніка-дакументальны фільм, падрыхтаваны БДАКФФД, «Вызваленне», прысвечаны вызваленню Беларусі ад нямецка-фашысцкіх захопнікаў.

1. Намеснік дырэктара Дзяржархіва Віцебскай вобласці Буевіч Таццяна выступае перад удзельнікамі круглага стала «Краязнаўчы рух на Полаччыне: вопыт, дасягненні і магчамсці» з інфармацыяй пра рэспубліканскія акцыі «Адкрыты кінаархіў. Гэты дзень мы набліжалі як маглі» і «Архівы – школе».

2. Падчас прагляду хроніка-дакументальнага фільма, падрыхтаванага БДАКФФД, «Вызваленне», прысвечанага вызваленню Беларусі ад нямецка-фашысцкіх захопнікаў.