Аб правядзенні ва ўстанове «Дзяржаўны архіў Гомельскай вобласці» дня інфармавання

13 сакавіка 2025 г. у чытальнай зале Дзяржаўнага архіва Гомельскай вобласці быў праведзены дзень інфармавання. Намеснік дырэктара Зоя Аляксандравіч праінфармавала супрацоўнікаў аб палітычных і эканамічных падзеях, якія адбываюцца ў нашай краіне і за мяжой.

У сувязі з надыходзячым Днём Канстытуцыі, старшы навуковы супрацоўнік Мая Вашчанка распавяла супрацоўнікам аб зменах і дапаўненнях у Канстытуцыі, прынятых у выніку рэспубліканскага рэферэндуму 27 лютага 2022 года аб канстытуцыйных папраўках.

Па выніках праведзенага рэферэндуму тэкст Канстытуцыі дапоўнены 11 новымі артыкуламі, у тым ліку адной новай главой (аб Усебеларускім народным сходзе), якія змяшчаюць больш за 50 новых нарматыўных палажэнняў.

У Канстытуцыю былі ўключаны палажэнні, накіраваныя на захаванне гістарычнай праўды і памяці аб Вялікай Айчыннай вайне і масавым гераізме народа, выхаванне патрыятызму ў маладога пакалення. Гэта асабліва актуальна для архівістаў, якія працуюць з моладдзю ў рамках акцый «Юны архівіст» і «Архівы – школе» ў год 80-годдзя Вялікай Перамогі. Супрацоўнікам архіва быў прадэманстраваны фільм Беларускага дзяржаўнага архіва кінафотафонадакументаў пра гісторыю стварэння Канстытуцыі Беларусі.

1. Намеснік дырэктара З.Аляксандровіч праводзіць дзень інфармавання

2. Супрацоўнікі калектыву слухаюць інфармацыю

3. Розныя выданні Канстытуцыі Рэспублікі Беларусь з бібліятэкі архіва