Супрацоўніца Дзяржархіва Віцебскай вобласці Янушкевіч Раіса Мікалаеўна стала пераможцай гарадскога і абласнога этапаў XVII рэспубліканскага конкурсу «Жанчына года – 2024» у намінацыі «Не старэюць душой ветэраны»

У г.Віцебску ўшаноўвалі пераможцаў гарадскога і абласнога этапаў рэспубліканскага конкурсу «Жанчына года – 2024», які праводзіцца Грамадскім аб’яднаннем (ГА) «Беларускі саюз жанчын».

Супрацоўнік Дзяржархіва Віцебскай вобласці – Янушкевіч Раіса Мікалаеўна стала пераможцам у намінацыі «Не старэюць душой ветэраны».

Раіса Мікалаеўна паступіла на працу ў Дзяржаўны архіў Віцебскай вобласці ў 2002 годзе, адкуль выйшла на пенсію, атрымаўшы ганарлівае званне «Ветэран працы». Агульны стаж працы ў архіве – больш за 22 гадоў.

У 2007 годзе ўступіла ў шэрагі ГА «Беларускі Саюз жанчын» (БСЖ), дзе ўжо 18 гадоў праводзіць грамадскую працу. Пастаянны ўдзельнік абласных і рэспубліканскіх акцый ГА БСЖ: «Нашы дзеці», «Збяром партфель да школы», «Калядны кашалёк», «Маміны пірагі» для ваеннаслужачых тэрміновай службы 103-й брыгады г.Віцебска (штогод); Беларуска-расійскага праекта «Цягнік Памяці» (2019 г.), Дзён духоўнай культуры Расіі ў Беларусі (2024 г.), Форуму рэгіёнаў Расіі і Беларусі (2024 г.), Марафоне адзінства (2024 г.) і інш.

Актыўны памочнік падрыхтоўкі штомесячных духоўных сустрэч сябраў ГА БСЖ з прадстаўнікамі праваслаўных цэркваў г.Віцебску.

Капітан каманды ГА БСЖ «Васілінкі», якая прымае актыўны ўдзел у гарадскіх спартыўных святах сярод ветэранскіх арганізацый.

З’яўлялася ініцыятарам акцыі збору рэчаў у дапамогу падапечным Дзяржаўнай установы сацыяльнага абслугоўвання «Сялюцкі псіханеўралагічны дом-інтэрнат «Тэрыторыя дабра»« і Дзяржаўнай установы «Віцебскі сацыяльны пансіянат «На Дзвіне»«, аддзялення дзённага знаходжання для інвалідаў Дзяржаўнай установы «Тэрытарыяльны цэнтр сацыяльнага абслугоўвання.

1. Янушкевіч Раіса Мікалаеўна – супрацоўнік Дзяржархіва Віетбскай вобласці, пераможца гарадскога і абласнога этапаў конкурсу «Жанчына года – 2024» у намінацыі «Не старэюць душой ветэраны».

2. Янушкевіч Р.М. з выхаванцамі Віцебскага дзіцячага дома і старшынёй гарадской арганізацыі ГА БСЖ Наталляй Культэнкай.

3. Янушкевіч Р.М. у час каляднай сустрэчы членаў Віцебскай гарадской арганізацыі ГА БСЖ з протаіерэем Андрэем Смольскім у рамках рэспубліканскай акцыі «Ад усёй душы».

4. Янушкевіч Раіса Мікалаеўна – капітан каманды ГА БСЖ «Васілінкі», якая прымае актыўны ўдзел у гарадскіх спартыўных святах сярод ветэранскіх арганізацый.

5. Янушкевіч Раіса Мікалаеўна – сярод членаў ГА «Беларускі саюз жанчын» падчас перадачы рэчаў у дапамогу падапечным Дзяржаўнай установы сацыяльнага абслугоўвання «Сялюцкі псіханеўралагічны дом-інтэрнат «Тэрыторыя дабра».