Рассакрэцілі Дзеда Мароза: у Занальным дзяржархіве ў г.Маладзечна правялі акцыю «Нашы дзеці»

У Занальным дзяржархіве ў г.Маладзечна прайшла выдатная дабрачынная акцыя «Нашы дзеці», якая падарыла радасць і чараўніцтва дзецям са шматдзетных сем’яў.

Па легендзе, у архіўным сховішчы заблукаў Дзед Мароз, які прабраўся да дакументаў у пошуках інфармацыі аб старажытных традыцыях святкавання Новага года. Так спадабаўся чараўніку клімат у будынку, што ён вырашыў пасяліцца тут да Новага года.

Згодна з сюжэтам мерапрыемства, шлях Дзеда Мароза заблытала падступная Баба Яга, а паштоўку з паказальнікам да яго месцазнаходжання яна разрэзала на некалькі частак. Каб сабраць пазл і разгадаць загадку, дзе ж Дзед Мароз, маленькім гасцям архіва неабходна было выканаць розныя заданні.

Дзеці з энтузіязмам прымалі ўдзел у гульні, выяўляючы кемлівасць і камандны дух. Знайшоўшы Дзеда Мароза, яны чыталі з вялікім натхненнем вершы і адказвалі на яго пытанні. У завяршэнне мерапрыемства хлопчыкі і дзяўчынкі атрымалі салодкія падарункі і канверты «На мару».

Акцыя «Нашы дзеці» не толькі пацешыла рабят, але і стварыла атмасферу дабрыні і клопаты, нагадаўшы ўсім аб важнасці падтрымкі і ўвагі да самых маленькіх.

Невялікі ролік з мерапрыемства.

1-7. Удзельнікі акцыі падчас выканання заданняў.

8. Удзельнікі акцыі «Нашы дзеці» і кіраўніцтва архва.