Рабочы візіт намесніка дырэктара Дэпартамента па архівах і справаводстве Міністэрства юстыцыі Рэспублікі Беларусь Аляксея Цвяткова

12.11.2024 года адбыўся працоўны візіт нам. дырэктара Дэпартамента па архівах і справаводстве Міністэрства юстыцыі Рэспублікі Беларусь Аляксея Цвяткова і дырэктара ўстановы «Беларускі дзяржаўны архіў кінафотафонадакументаў» Андрэя Ганчара ў г. Магілёў.

У рабочай сустрэчы ўдзельнічалі начальнік галоўнага ўпраўлення юстыцыі Магілёўскага аблвыканкама Андрэй Сталяроў, начальнік упраўлення абавязковай юрыдычнай экспертызы, каардынацыі дзейнасці службаў «адно акно», па архівах і справаводстве галоўнага ўпраўлення юстыцыі Магілёўскага аблвыканкама Юлія Клінцова.

Аляксей Яўгенавіч наведаў аб’ект рэканструкцыі будынка ўстановы «Дзяржаўны архіў Магілёўскай вобласці» і азнаёміўся з парадкам выканання работ па рэканструкцыі гэтага будынка, з працоўнымі працэсамі, з сістэмай адпаведнай сучасным стандартам і тэхнічным патрабаванням, неабходным для захоўвання і выкарыстання дакументаў (спецыяльнай газавай устаноўкай, якая ў у выпадку пажару спрацоўвае аўтаматычна, вентыляцыйнай камерай, дзе ўстаноўлена спецыяльнае абсталяванне, якое дае магчымасць падтрымліваць патрэбны мікраклімат для захоўвання дакументаў, прытокава – выцяжной устаноўкай з функцыямі асушэння, увільгатнення і ачысткі паветра, архівасховішчамі і ўстаноўленымі ў іх мабільнымі стэлажамі, матэрыяльна-тэхнічнай базай), а таксама планаваным напаўненнем архівасховішчаў фондамі, пабываў у працоўных кабінетах.

Таксама быў заслуханы даклад дырэктара архіва Святланы Шараевай аб выкананні мэтавых паказчыкаў падпраграмы «Архівы Беларусі» дзяржаўнай праграмы «Культура Беларусі».

Выгляд будынка ўстановы «Дзяржаўны архіў Магілёўскай вобласці», размешчанага па вул. К. Маркса, 23

На фота: Шараева С.Л., Цвяткоў А.Я., Сталяроў А.М., Ганчар А.М., Клінцова Ю.С.

Наведванне архівасховішчаў

Наведванне архівасховішчаў

Наведванне архівасховішчаў

Наведванне архівасховішчаў

Агляд памяшкання станцыі газавага пажаратушэння