«Дзяржаўны архіў Гомельскай вобласці» віншуе са 105-гадовым юбілеем музей Гомельскага палацава-паркавага ансамбля

1 лістапада 2024 года дырэктар установы «Дзяржаўны архіў Гомельскай вобласці» А.М.Сушчэвіч і загадчыца аддзела інфармацыі, публікацыі і выкарыстання дакументаў архіва З.А.Аляксандровіч прынялі ўдзел ва ўрачыстым мерапрыемстве, прысвечаным 105-годдзю музея Гомельскага палацава-паркавага ансамбля. Дырэктар архіва А.Н.Сушчэвіч шчыра павіншаваў генеральнага дырэктара палацава-паркавага ансамбля Ірыну Васільеўну Пыркову з юбілейнай датай і ўручыў падзяку за шматгадовае плённае супрацоўніцтва. Пры гэтым ён адзначыў, што ў далёкім 1923 годзе ў 3-х пакоях былога палаца князя Паскевіча было арганізавана губернскае архіўнае сховішча, якое паклала пачатак гісторыі стварэння «Дзяржаўнага архіва Гомельскай вобласці».

У рамках мерапрыемства была прадстаўлена экспазіцыя «105 гадоў захоўваем лепшае», якая расказвае пра шматгадовую працу па зборы, даследаванні і захаванні артэфактаў.

1. Дырэктар установы «Дзяржаўны архіў Гомельскай вобласці» А.М.Сушчэвіч уручае віншавальную падзяку дырэктару палацава-паркавага ансамбля І.В.Пырковай.

2. Экспазіцыя «105 гадоў захоўваем лепшае»

3. Госці Гомельскага палацава-паркавага ансамбля