У БелНДІДАС 23 кастрычніка 2024 года пройдзе аднадзённы семінар па тэме: «Навацыі кадравага справаводства – 2024»

Апублікавана: 8 кастрычніка 2024 г.

Змяненні ў парадку працы з асабовымі справамі работнікаў у свеце патрабаванняў Інструкцыі аб парадку фарміравання, вядзення і захоўвання асабовых спраў работнікаў, зацверджанай пастановай Міністэрства юстыцыі Рэспублікі Беларусь ад 23 мая 2024 г.№29.

Дата правядзення семінара: 23 кастрычніка 2024 года

Пытанні, якія будуць разгледжаны на семінары:

1. Нарматыўнае рэгуляванне працы з асабовымі справамі работнікаў у арганізацыях.

2. Спыненне вядзення асабовых спраў работнікаў у недзяржаўнай арганізацыі. Фарміраванне ў справы дакументаў, не ўключаных раней у склад асабовых спраў.

3. Склад дакументаў асабовай справы. Завярэнне копій дакументаў, што ўключаюцца ў склад асабовай справы.

4. Улік і аператыўнае захоўванне асабовых спраў.

5. Падрыхтоўка асабовых спраў да перадачы ў архіў арганізацыі.

6. Уключэнне асабовых спраў у вопісы спраў пастаяннага захоўвання і (або) па асабовым складзе кадравай службы арганізацыі.

7. Іншыя пытанні прымянення нормаў Інструкцыі №29 у практычнай дзейнасці арганізацый.

Семінар праводзяць: дырэктар БелНДІДАС А.Я.Рыбакоў, загадчык аддзела дакументазнаўства А.В.Шумская.

Жадаючыя прыняць удзел у семінары накіроўваюць заяўку і дакументы на электронную пошту: 4ukovi4@belniidad.by да 23 кастрычніка 2024 г.
Кантактная асоба − Чуковіч Марына Уладзіміраўна. Тэлефон: 363-02-05 (панядзелак − чацвер з 9.00 да 13.00 і з 14.00 да 18.00).

Кошт удзелу ў семінары 100 рублёў без ПДВ (падстава – падпункт 1.2 пункта 1 артыкула 326 Падатковага кодэкса Рэспублікі Беларусь).

Рэгістрацыя слухачоў у дзень правядзення семінара з 9.00 да 9.30.

Семінар праводзіцца па адрасе: г.Мінск, вул. Крапоткіна, 55, канферэнц-зала.
Час правядзення: 9.30 – 13.00.
Слухачам, якія прайшлі навучанне на семінары, выдаецца сертыфікат аб навучанні.

Нашы рэквізіты: р/р BY67BLBB36320100129230001001 у ААТ «Белінвестбанк» г.Мінска, код BLBBBY2X, УНП 100129230.