17 верасня БДАМЛМ і НАРБ прынялі ўдзел у культурна – патрыятычным мерапрыемстве «Ты з Заходняй, я з усходняй Беларусі…», якое адбылося ў Дзяржаўным літаратурным музеі Янкі Купалы

17 верасня 2024 работнікі Беларускага дзяржаўнага архіва-музея літаратуры і мастацтва (далей – БДАМЛМ) і Нацыянальнага архіва Рэспублікі Беларусь (далей – НАРБ) наведалі Дзяржаўны літаратурны музей Янкі Купалы, дзе прынялі ўдзел у культурна – патрыятычным мерапрыемстве «Ты з Заходняй, я з усходняй Беларусі…», прымеркаваным да Дня народнага адзінства.

85 гадоў таму, 17 верасня 1939 года, пачалося ўз’яднанне Заходняй і Усходняй Беларусі. У найважнейшай падзеі таго знамянальнага года – Народным сходзе Заходняй Беларусі ў Беластоку – браў удзел і Янка Купала. У Дзяржаўным літатаратурным музеі Янкі Купалы распачала працу выстава «Безназоўнае», прымеркаваная да Дня народнага адзінства. Цэнтральным экспанатам выставы стала паэма Я.Купалы з аднайменнай назвай. Куратар выставы Марыя Барткова распавяла аб тым, як 100 год таму, у 1924 годзе, калі адбылося першае ўзбуйненне БССР, стваралася гэта паэма. У экспазіцыі – рукапіс паэмы, дзесяць разделаў якой яднае сімвалічны вобраз Беларусі, што прайшла няпросты шлях і «на куце ў хаце сваёй села». Падчас мерапрыемства ў рамках грамадска – культурнай акцыі «Чытаем Купалу разам» прагучалі радкі з паэмы «Безназоўнае» і вершы з цыкла Янкі Купалы «На заходне – беларускія матывы».

Па заканчэнні сустрэчы работнікі БДАМЛМ і НАРБ падзяліліся меркаваннем аб неабходнасці паважлівага стаўлення да памятных дат у гісторыі беларускай дзяржаўнасці. Дзень народнага адзінства, перш за ўсё, сімвалізуе нацыянальную, дзяржаўную і тэрытарыяльную цэласнасць Беларусі, падкрэслівае важкі гістарычны падмурак сучаснай дзяржаўнасці. Гэта сімвал гістарычнага афармлення беларускай нацыі, шчырага імкнення беларусаў жыць адной дружнай сям’ёй.

1. Работнікі БДАМЛМ і НАРБ прынялі ўдзел у мерапрыемстве «Ты з Заходняй, я з усходняй Беларусі..». у Дзяржаўным літаратурным музеі Янкі Купалы

2. Работнікі БДАМЛМ і НАРБ падчас мерапрыемства»Ты з Заходняй, я з усходняй Беларусі..».

3. Работнікі БДАМЛМ і НАРБ прынялі ўдзел у грамадска-культурнай акцыі «Чытаем Купалу разам»