Сход працоўнага калектыву Нацыянальнага архіва Рэспублікі Беларусь, прысвечаны Дню народнага адзінства

17 верасня 2024 г. адбыўся сход працоўнага калектыву Нацыянальнага архіва Рэспублікі Беларусь (далей – НАРБ), прысвечаны Дню народнага адзінства і 85-годдзю ўз’яднання Заходняй Беларусі з БССР. Намеснік дырэктара НАРБ, к.г.н. С.В.Кулінок павіншаваў работнікаў архіва са святам і распавёў пра палітыку паланізацыі і культурнага прыгнёту, якую праводзіла панская Польшча на заходне-беларускіх землях, а таксама пра барацьбу беларускага народа за сваё ўз’яднанне.

Кулінок С.В. прадставіў калектыву новы зборнік дакументаў «Савецкая і Заходняя Беларусь: раз’яднаныя, але адзіныя: 1921-1939: дакументы і матэрыялы», падрыхтаваны вядучым архівістам аддзела публікацый, к.г.н. В.М.Бароўскай. У зборніку прадстаўлена больш за 200 дакументаў з фондаў беларускіх, расійскіх і польскіх архіваў. Таксама намеснік дырэктара НАРБ распавёў аб выставачных праектах архіва, падрыхтаваных да 85-годдзя ўз’яднання Заходняй Беларусі з БССР.

Напрыканцы сходу адбыўся прагляд дакументальнага фільма «Воссоединение», падрыхтаванага работнікамі Беларускага дзяржаўнага архіва кінафотафонадакументаў.

1. Сход працоўнага калектыву НАРБ, прысвечаны Дню народнага адзінства

2. Працоўны калектыў НАРБ на ўрачыстым сходзе

3. Выступленне намесніка дырэктара НАРБ С.В.Кулінка

4. Прагляд дакументальнага фільма «Воссоединение»