Дзень адчыненных дзвярэй у Рэчыцкім дзяржархіве

12 верасня 2024 года ў Занальным дзяржаўным архіве ў г. Рэчыцы прайшоў дзень адчыненных дзвярэй, прымеркаваны да 102-й гадавіны ўтварэння архіўнай службы Рэспублікі Беларусь. У гэты дзень у ліку гасцей архіва былі навучэнцы Рэчыцкага дзяржаўнага тэхнічнага каледжа (в. Азершчына Рэчыцкага раёна). Для іх была праведзена экскурсія па архіву.

У архівасховішчы архівіст 2-й кваліфікацыйнай катэгорыі аддзела забеспячэння захаванасці і дзяржаўнага ўліку дакументаў Т.В. Фралова прадставіла ўвазе навучэнцаў найбольш цікавыя дакументы з фонду тэхкаледжа, якія адлюстроўваюць гісторыю іх установы адукацыі. Аб рабоце па падрыхтоўцы дакументаў да прыёма на пастаянае захоўванне і фондах асабістага паходжання расказала загадчык аддзела работы з архівамі арганізацый, камплектавання і справаводства І.В. Комар. У чытальнай зале навучэнцы тэхкаледжа азнаёміліся з навукова-даведачнай бібліятэкай архіва і выстаўкай архіўных дакументаў ААТ «Рэчыцадрэў». У гонар наступаючага Дня народнага адзінства (17 верасня) юным гасцям быў прадэманстраваны дакументальны фільм «Уз’яднанне», падрыхтаваны Беларускім дзяржаўным архівам кінафотафонадакументаў.

З мэтай папулярызацыі Рэчыцкага дзяржархіва навучэнцы Рэчыцкага тэхкаледжа атрымалі ў падарунак візіткі архіва з QR-кодамі сайта «Архівы Беларусі» і відэаэкскурсіі па архіву.

1. Таблічка Дня адчыненных дзвярэй у ЗДА ў г. Рэчыцы

2. Візіткі ЗДА ў г. Рэчыцы з QR-кодамі сайта «Архівы Беларусі» і відэаэкскурсіі па архіву

3. Навучэнцы Рэчыцкага тэхкаледжа ў ЗДА ў г. Рэчыцы

4. Загадчык аддзела работы з архівамі арганізацый, камплектавання і справаводства І.В. Комар расказвае гасцям аб архіўнай працы

5. Навучэнцы Рэчыцкага тэхкаледжа знаёмяцца з літаратурай з навукова-даведачнай бібліятэкі ЗДА ў г. Рэчыцы

6. Навучэнцы Рэчыцкага тэхкаледжа глядзяць дакументальны фільм «Вызваленне»

7. Навучэнцы Рэчыцкага тэхкаледжа глядзяць дакументальны фільм «Вызваленне»

8. Вядучы археограф аддзела інфармацыі і выкарыстання дакументаў С.А. Жарносенка ўручае гасцям візіткі архіва

9. Супрацоўнікі ЗДА ў г. Рэчыцы з навучэнцамі і кіраўніком ваенна-патрыятычнага выхавання Рэчыцкага тэхкаледжа А.А. Рэуцкім