Дырэктар установы «Дзяржаўны архіў Гомельскай вобласці» Андрэй Мікалаевіч Сушчэвіч прыняў удзел у дыялогавай пляцоўцы «30 гадоў інстытута Прэзідэнцтва»

18 ліпеня 2024 г. дырэктар установы «Дзяржаўны архіў Гомельскай вобласці» (далей – ДАГв) Андрэй Мікалаевіч Сушчэвіч прыняў удзел у дыялогавай пляцоўцы «30 гадоў інстытута Прэзідэнцтва», якая праходзіла на базе ААТ «Гомельскі мясакамбінат».

Спікерамі дыялогавай пляцоўкі выступілі: дэпутат Гомельскага гарадскога Савета дэпутатаў Юрый Кузняцоў, першы сакратар Гомельскай абласной арганізацыі КПБ Дзмітрый Мурашка, старшыня Гомельскай АП ЛДПБ Вольга Ігнаценка. У мерапрыемстве таксама прынялі ўдзел лідэры і актывісты чатырох палітычных партый і пяці грамадскіх арганізацый. Ініцыятарам мерапрыемства выступіла Навабеліцкая раённая арганізацыя РГА «Белая Русь».

«Гарантам стабільнасці і развіцця краіны заўсёды выступаў Прэзідэнт Рэспублікі Беларусь – Аляксандр Рыгоравіч Лукашэнка. Сёння наша краіна паступальна развіваецца, а інстытут Прэзідэнцтва стаў не проста органам дзяржаўнага кіравання, а выступае найважнейшай умовай захавання суверэнітэту і незалежнасці нашай краіны», – выступаючы не толькі як дырэктар ДАГв, але і як сябра партыі «Белая Русь» адзначыў у сваёй прамове Андрэй Мікалаевіч Сушчэвіч.

У час дыялогавай пляцоўкі гаварылі аб гісторыі фарміравання і асноўных этапах станаўлення Інстытута прэзідэнцтва Рэспублікі Беларусь, акцэнтаваўшы ўвагу прысутных на асноўных дасягненнях Рэспублікі Беларусь перыяду прэзідэнцкага праўлення, а таксама аб тым, наколькі важнае для маладога пакалення ўсведамленне ролі Інстытута прэзідэнцтва, які развіваецца разам з нашай дзяржаўнасцю.

У канцы сустрэчы, удзельнікі адкрытага дыялогу падзяліліся сваім меркаваннем аб жыцці ў Беларусі, пагадзіўшыся з тым, што ў нашай краіне сапраўды робіцца шмат для людзей, для падтрымання стабільнасці ў грамадстве, захавання міру на нашай зямлі і, вядома ж, створаны неабходныя ўмовы для раскрыцця патэнцыялу моладзевай ініцыятывы.

1. Агульнае фота мерапрыемства

2. Спікеры дыялогавай пляцоўкі «30 гадоў інстытута Прэзідэнцтва»

3. Удзельнікі мерапрыемства