Ва ўстанове «Дзяржаўны архіў Гомельскай вобласці» адбыўся сход работнікаў архіва

16 ліпеня 2024 г. у чытальнай зале ўстановы «Дзяржаўны архіў Гомельскай вобласці» (далей – ДАГв) у рамках правядзення адзінага дня інфармавання адбыўся сход працаўнікоў архіва.

У сваім дакладзе дырэктар ДАГв Андрэй Сушчэвіч давёў да ведама калектыву інфармацыю аб падзеях, якія адбыліся ў краіне і за мяжой з 2 па 8 ліпеня 2024 года.

Андрэй Сушчэвіч расказаў, што Прэзідэнт Беларусі Аляксандр Лукашэнка 2 ліпеня 2024 г. прыняў з дакладам Кіраўніка Адміністрацыі Прэзідэнта Дзмітрыя Крутога і Надзвычайнага і Паўнамоцнага Пасла Беларусі ў Расіі Аляксандра Рагожніка.

Вялікую ўвагу ў сваім дакладзе дырэктар архіва ўдзяліў таму, што Прэзідэнт Беларусі Аляксандр Лукашэнка ўручыў дзяржаўныя ўзнагароды заслужаным дзеячам розных сфер. Сярод узнагароджаных ёсць аграрыі, шахцёры, будаўнікі, транспартнікі, нямала людзей у пагонах. Урачыстая цырымонія адбылася 2 ліпеня 2024 г. у Палацы Незалежнасці.

Таксама дырэктар ДАГв распавёў пра тое, што 6 ліпеня 2024 г. у аграгарадку Александрыя Шклоўскага раёна Магілёўскай вобласці адбылося ўрачыстае адкрыццё рэспубліканскага свята «Купалле» («Александрыя збірае сяброў»). Фестываль «Александрыя збірае сяброў» стаў месцам прыцягнення для творчых людзей і сапраўдных прыхільнікаў самабытнай славянскай культуры з усёй Беларусі і з іншых дзяржаў, сапраўды стаўшы цэнтрам адраджэння старажытных абрадавых і рамесных традыцый.

Падчас мерапрыемстваў дырэктар архіва даў вычарпальныя адказы на ўсе зададзеныя пытанні.

Дырэктар ДАГв падчас выступу

Калектыў ДАГв