Аб аглядзе-конкурсе мастацкай самадзейнасці сярод рэспубліканскіх архіўных устаноў

20 чэрвеня 2024 года ў актавай зале сярэдняй школы №27 г.Мінска адбыўся агляд-конкурс мастацкай самадзейнасці сярод рэспубліканскіх архіўных устаноў. Правядзенне агляду-конкурсу было прысвечана 80-годдзю вызвалення Беларусі ад нямецка-фашысцкіх захопнікаў.

Ад Нацыянальнага архіва Рэспублікі Беларусь у катэгорыі «Вакальнае мастацтва» прынялі ўдзел работнікі аддзела справаводства і фарміравання НАФ В.Браслаўская, Е.Мілушкіна, I.Іванова, А.Стасенка і А.Крюкоўскі (песня «Бусел на даху», музыка Д.Тухманава, словы А.Папярэчнага).

У катэгорыі «Арыгінальны жанр (мастацкае слова)» выступіла і была ўзнагароджана Дыпломам III ступені навуковы супрацоўнік аддзела выкарыстання дакументаў і інфармацыі Ю.Прастакова (верш I.Эрэнбурга «У мае 1945 г».).

Актыўную падтрымку ўдзельнікам конкурсу аказвалі работнікі архіва, якія знаходзіліся ў актавай зале.

1. Агульная фатаграфія ўдзельнікаў конкурсу.

2. Выступленне навуковага супрацоўніка Ю.Прастаковай.

3. Выступленне работнікаў аддзела справаводства і фарміравання НАФ.

4. Падтрымка ўдзельнікаў калектывам НАРБ