Установа «Занальны дзяржаўны архіў у г.Маладзечна» прыняла ўдзел у XXIII Нацыянальным фестывалі беларускай песні і паэзіі

Установа «Занальны дзяржаўны архіў у г.Маладзечна» у рамках XXIII Нацыянальнага фестывалю беларускай песні і паэзіі прадставіў выставу з дакументальнай спадчынай «Старонкі гісторыі горада Маладзечна». Экспазіцыя размясцілася ў кінатэатры «Радзіма», дзе супрацоўнікі архіва не толькі знаёмілі гасцей форуму з гістарычнымі фактамі пра горад, але і апавядалі пра ваеннае мінулае. Так, архівіст Вольга Беразоўская перад прэм’ерным паказам фільма «Час вярнуцца» распавяла гледачам пра дзейнасць франтавых відэааператараў у ваенны час, казала пра важнасць рэдкіх дакументальных кадраў у захаванні гістарычнай праўды. У фае будынка кінатэатра ў рэжыме нон-стоп транслявалася серыя сацыяльных ролікаў «Адкрыты кінаархіў. Гэты дзень мы набліжалі як маглі», створаная Беларускім дзяржаўным архівам кінафотафонадакументаў спецыяльна да 80-й гадавіны вызвалення Беларусі ад нямецка-фашысцкіх захопнікаў.

Таксама занальны архіў распавёў пра цікавыя факты з гісторыі самога фестывалю. Кантэнт інфармацыйных ралапаў выклікаў цікавасць не толькі ў дарослых, але і ў падрастаючага пакалення.

1. Дэманстрацыя дакументальнай выстаўкі «Старонкі гісторыі горада Маладзечна» для вучняў.

2. Дакументальная выстаўка «Старонкі гісторыі горада Маладзечна».

3. Выступленне перад паказам фільма «Час вярнуцца».

4. Фестывальная пляцоўка «Горад майстроў».

5. Фестывальная пляцоўка «Горад майстроў».

6. Фестывальная пляцоўка «Горад майстроў».