Дзяржаўны архіў Гомельскай вобласці правёў семінар па справаводстве

06.06.2024 загадчык аддзела справаводства, фарміравання Нацыянальнага архіўнага фонду і архіваў арганізацый установы «Дзяржаўны архіў Гомельскай вобласці» Таццяна Хіневіч правяла семінар для супрацоўнікаў галоўнага ўпраўлення юстыцыі Гомельскага абласнога выканаўчага камітэта па тэме: «Аб новай рэдакцыі інструкцыі , зацверджанай пастановай Міністэрства юстыцыі Рэспублікі Беларусь ад 10 студзеня 2024 г. №2» (пастанова ўступае ў сілу з 01.07.2024).

Асаблівую ўвагу Таццяна Васільеўна надала пытанням фарматаў файлаў дакументаў у электронным выглядзе (форму ўнутранага і знешняга прадстаўлення), аналагам уласнаручнага подпісу для ўнутраных дакументаў у электронным выглядзе, фарміраванню і захоўванню электронных спраў, прыёму і адпраўцы дакументаў у электронным выглядзе і інш.

1. Калектыў галоўнага ўпраўлення юстыцыі Гомельскага аблвыканкама падчас семінара

2. Выступленне загадчыка аддзела справаводства, фарміравання Нацыянальнага архіўнага фонду і архіваў арганізацый установы «Дзяржаўны архіў Гомельскай вобласці» Т.В.Хіневіч

3. Удзельнікі семінара