«Адкрыты кінаархіў. Гэты дзень мы набліжалі, як маглі»

4 чэрвеня 2024 года у кінатэатры «Радзіма» ў г. Магілёве ў рамках праекта «Адкрыты кінаархіў. Гэты дзень мы набліжалі, як маглі» адбыўся кіналекторый для навучэнцаў дзяржаўнай установы адукацыі «Сярэдняя школа № 40 г. Магілёва». Падчас яго быў паказаны дакументальны фільм «Да 80-й гадавіны вызвалення горада Брэста ад нямецка-фашысцкіх захопнікаў», падрыхтаваны ўстановай «Беларускі дзяржаўны архіў кінафотафонадакументаў» (г. Дзяржынск).

Перад пачаткам сеанса выступіў архівіст 1 кваліфікацыйнай катэгорыі аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Аляксей Швыроў. Ён расказаў аб праекце «Адкрыты кінаархіў. Гэты дзень мы набліжалі, як маглі», які ажыццяўляецца з мэтай выканання Плана падрыхтоўкі і правядзення святочных мерапрыемстваў да 80-годдзя вызвалення Беларусі ад нямецка-фашысцкіх захопнікаў, зацверджанага Указам Прэзідэнта Рэспублікі Беларусь ад 5 кастрычніка 2023 года № 316. А таксама прадставіў увазе школьнікаў прэзентацыю «Вызваленне і аднаўленне горада Магілёва ў 1944-1950 гг.», створаную на аснове архіўных дакументаў і фатаграфій гэтага перыяду.

1 Школьнікі падчас кіналекторыя

2 Выступленне архівіста 1 кваліфікацыйнай катэгорыі А.І.Швырова