Удзел Нацыянальнага архіва рэспублікі Беларусь і Беларускага дзяржаўнага архіва кінафотафонадакументаў у выставе Белагра-2024

Апублікавана: 5 чэрвеня 2024 г.

Нацыянальны архіў Рэспублікі Беларусь і Беларускі дзяржаўны архіў кінафотафонадакументаў (далей – БДАКФФД) прымае ўдзел у міжнароднай выставе «Белагра-2024», якая праходзіць з 4 па 9 чэрвеня.

Добрай традыцыяй і выдатным спосабам для прыцягнення новых карыстальнікаў і папулярызацыі фондаў дакументаў БДАКФФД стала гэта выстава. Архіў прымае ўдзел на працягу ўсяго перыяду яе працы. У гэтым годзе ў садружнасці з Нацыянальным архівам Рэспублікі Беларусь і Беларускай сельскагаспадарчай бібліятэкай імя І.С.Лупіновіча падрыхтаваны дзве выставачныя пазіцыі.

Стацыянарная экспазіцыя Нацыянальнага архіва Рэспублікі Беларусь і БДАКФФД прадстаўлена копіямі дакументаў аб пасляваенным аднаўленні сельскай гаспадаркі БССР, арыгіналамі дакументаў гісторыі сельскай гаспадаркі, кінахронікай, фотаальбомам аб абласной сельскагаспадарчай выставе, носьбітамі аўдыёвізуальнай інфармацыі: фотанегатывамі, магнітнай. Друкаваная прадукцыя і буклеты дэманструюць наведвальнікам багацце фондаў архіваў, іх жанравую і тэматычную разнастайнасць.

Навінкай 2024 года стала стэндавая фотавыстава, прысвечаная гісторыі развіцця і розным галінам сельскай гаспадаркі Беларусі. Падрыхтаваная сумесна з Нацыянальным архівам Рэспублікі Беларусь, яна дэманструе дакументы з 1923 года да гэтага часу. Гасцям і ўдзельнікам «Белагра-2024» выставу прадставілі дырэктары архіўных устаноў А.Н.Ганчар і А.К.Дзямянюк.

Міжнародная выстава «Белагра-2024» абагульняе міжнародны вопыт у аграпрамысловым машынабудаванні, служыць пошукам арыгінальных інавацыйных рашэнняў у сферы экалагічна бяспечных матэрыялаў і безадходных тэхналогій.

Ужо ў першы дзень архіўная выстава прыцягнула ўвагу гасцей. Выстава працуе з 10.00 да 18.00 да 9 чэрвеня.

Падчас адкрыцця выставы Белагра-2024

Дырэктар БДАКФФД Андрэй Мікалаевіч Ганчар, дырэктар НАРБ Андрэй Канстанцінавіч Дземянюк (па цэнтры) і працаўнікі БДАКФФД падчас адкрыцця выставы Белагра-2024

Уваход на выставу Белагра-2024

Рэтра-экспанаты на выставе Белагра-2024

Выгляд экспазіцыі выставы Белагра-2024

У час агляду экспазіцыі БДАКФФД і НАРБ на выставе Белагра-2024

На цырымоніі адкрыцця выставы Белагра-2024