Аб завяршэнні курсаў павышэння кваліфікацыі для работнікаў дзяржаўных архіўных устаноў

Курсы павышэння кваліфікацыі арганізаваны Дэпартаментам па архівах і справаводству Міністэрства юстыцыі Рэспублікі Беларусь сумесна з гістарычным факультэтам Беларускага дзяржаўнага ўніверсітэта на базе факультэта павышэння кваліфікацыі і перападрыхтоўкі Беларускага дзяржаўнага ўніверсітэта.

Лекцыі праводзілі выкладчыкі Беларускага дзяржаўнага ўніверсітэта, адказныя работнікі Дэпартамента па архівах і справаводстве, высокакваліфікаваныя спецыялісты рэспубліканскіх архіўных устаноў.

У рамках сёлетніх курсаў прайшло навучанне 29 работнікаў з 23 дзяржаўных архіўных устаноў, у тым ліку з рэспубліканскіх архіўных устаноў – 7, дзяржаўных архіваў Брэсцкай вобласці – 2; Віцебскай вобласці – 3; Гомельскай вобласці – 4; Гродзенскай вобласці – 5; Мінскай вобласці – 3; Магілёўскай вобласці – 5 работнікаў.

Праграма курсаў мела актуальную тэматыку і асвятляла пытанні дзейнасці дзяржаўных архіваў у галіне камплектавання, забеспячэння захаванасці, дзяржаўнага ўліку, выкарыстання архіўных дакументаў.

Асаблівы акцэнт быў зроблены на асвятленні новага напрамку рабоце з электроннымі дакументамі.

Асвятлялася пытанне тэрміналогіі ў сферы архіўнай справы і справаводства ў святле змен, унесеных у Закон Рэспублікі Беларусь ад 25 лістапада 2011 г.«Аб архіўнай справе і справаводстве», а таксама асноўных змен у арганізацыі і вядзенні справаводства ў святле новай рэдакцыі Інструкцыі па справаводстве ў дзяржаўных органах, іншых арганізацыях.

22 мая 2024 г.на базе Нацыянальнага гістарычнага архіва Беларусі адбыўся круглы стол «Сучасныя тэндэнцыі ў справаводстве і архіўнай справе» з удзелам першага намесніка дырэктара Дэпартамента Лядоўскай А.А. і дырэктара Беларускага навукова-даследчага інстытута дакументазнаўства і архіўнай справы Рыбакова А.Я., на якім абмяркоўваліся актуальныя пытанні дзейнасці дзяржаўных архіваў у галіне аблічбоўвання архіўных дакументаў, пашырэння доступу да іх.

У рамках мерапрыемства праведзена азнаямленне слухачоў курсаў з дзейнасцю Нацыянальнага гістарычнага архіва Беларусі, структурай яго навукова-даведачнага апарата, алічбаваннем дакументаў, а таксама з архівасховішчамі.

Уладзімір Дзянісаў, вядучы навуковы супрацоўнік аддзела выкарыстання дакументаў і інфармацыі, расказаў прысутным аб гісторыі архіўнай справы на беларускіх землях, складзе і асаблівасцях фондаў установы, важнейшых дакументах, якія захоўваюцца ў архіве.

Слухачам курсаў была дадзена ўнікальная магчымасць азнаёміцца з дакументамі шматвяковай даўнасці. Сапраўднае захапленне выклікалі калекцыі найстаражытных дакументаў, якія ствараюць адмысловую атмасферу мінулых стагоддзяў.

24 мая 2024 г.праведзены круглы стол «Сучасныя выклікі і магчымасці ў галіне кіравання дакументамі і архіўнай справы», у якім прынялі ўдзел дырэктар Дэпартамента па архівах і справаводству Воінаў А.Л., загадчык кафедры крыніцазнаўства гістарычнага факультэта БДУ, доктар гістарычных навук Ходзін С.Н., дырэктар Беларускага навукова-даследчага інстытута дакументазнаўства і архіўнай справы Рыбакоў А.Я.

У сваім выступленні Воінаў А.Л. спыніўся на злабадзённых пытаннях дзейнасці дзяржаўных архіваў на сучасным этапе: забеспячэнні доўгачасовай захаванасці электронных дакументаў, пераводу дакументаў у лічбавы фармат, якія захоўваюцца ў архівах, захоўванні дакументаў ліквідаваных суб’ектаў гаспадарання і інш.

У дыскусіі прынялі ўдзел намеснік дырэктара Дзяржаўнага архіва грамадскіх аб’яднанняў Магілёўскай вобласці Набокава А.А., якая расказала пра вопыт работы архіва па рассакрэчванні дакументаў КПБ і наяўных праблемах; дырэктар Занальнага дзяржаўнага архіў у г.Крычаве Рыськова Т.Я. падзялілася досведам працы з крыніцамі камплектавання архіва.

Дырэктар Занальнага дзяржаўнага архіва ў г.Маладзечне Пудакевіч І.З. асвятліла пытанні ўзаемадзеяння архіва з установамі адукацыі ў рамках акцыі «Архівы – Школе». Малодшы навуковы супрацоўнік Беларускага навукова-даследчага інстытута дакументазнаўства і архіўнай справы Лютарэвіч І.У. распавёў аб сваім вопыце навучання ў аспірантуры, чытэльных курсах, перавагах, якія дае навучанне на другой ступені вышэйшай адукацыі.

У завяршэнні курсаў адбылося ўручэнне слухачам пасведчанняў аб павышэнні кваліфікацыі ўстаноўленага ўзору.

Змест праграмы і арганізацыя курсаў выклікалі станоўчыя водгукі ў работнікаў архіўных устаноў. Слухачы ацанілі актуальнасць праграмы павышэння кваліфікацыі і падкрэслілі неабходнасць рэгулярнага павышэння свайго адукацыйнага ўзроўню.

1. Дырэктар Дэпартамента па архівах і справаводству А.Л.Воінаў з выпускнікамі курсаў павышэння кваліфікацыі. 24 траўня 2024 г.

2. Слухачы курсаў падчас круглага стала на базе Нацыянальнага гістарычнага архіва Беларусі 22 мая 2024 г.

3. Знаёмства з сістэмай НСА Нацыянальнага гістарычнага архіва Беларусі

4. Дэманстрацыя самага старажытнага дакумента 1391 года Нацыянальнага гістарычнага архіва Беларусі

5. Адкрыццё круглага стала 24 мая 2024 г.

Праца па павышэнні кадравага патэнцыялу архіўнай галіны Рэспублікі Беларусь будзе працягнута.

На кастрычнік 2024 года запланавана арганізацыя курсаў павышэння кваліфікацыі для работнікаў архіваў дзяржаўных органаў, іншых арганізацый.