Аб адкрыцці віртуальнай выстаўкі ў Беларускім дзяржаўным архіве навукова-тэхнічнай дакументацыі

У рамках мерапрыемстваў, прымеркаваных да Міжнароднага дня сям’і 18 мая 2024 г.у Беларускім дзяржаўным архіве навукова-тэхнічнай дакументацыі адкрылася віртуальная выстаўка «Архітэктурная сімфонія», прысвечаная жыццю і творчасці сям’і беларускіх архітэктараў Аксаны Фёдараўны Ткачук і Дзмітрыя Пятровіча Кудраўцава.

Аб’яднаўшы свае творчыя намаганні, А.Ф.Ткачук і Д.П.Кудраўцаў унеслі важкі ўклад у развіццё беларускай архітэктуры. Аксана Фёдараўна з’яўляецца аўтарам шэрага буйных аб’ектаў у г.Мінску: мікрараёна «Ракаўская шаша-3», Беларускага дзяржаўнага акадэмічнага музычнага тэатра, комплексу будынкаў інстытута народнай гаспадаркі на Партызанскім праспекце і інш. У сваю чаргу, Дзмітрый Пятровіч праславіўся стварэннем серый буйнапанэльных дамоў у розных мікра г.Мінска, дзіцячай музычнай школы на бульвары Луначарскага і іншых знакавых аб’ектаў.

Пры падрыхтоўцы выстаўкі выкарыстоўваліся дакументы сямейнага фонду А.Ф.Ткачук і Д.П.Кудраўцава, якія дазваляюць прасачыць творчы шлях двух архітэктараў.

Матэрыялы выставы даступныя па спасылцы.

1. Аксана Фёдараўна Ткачук. Ф. 280. Воп. 1. Сп. 28. С. 4.

2. Дзмітрый Пятровіч Кудраўцаў. Ф. 280. Воп. 1. Сп. 57. С. 1.