Аб прызначэнні новага дырэктара Беларускага дзяржаўнага архіва навукова-тэхнічнай дакументацыі

17 мая 2024 г. дырэктарам ўстановы «Беларускі дзяржаўны архіў навукова-тэхнічнай дакументацыі» прызначаны Андрэй Пятровіч Куракоў.

Андрэй Пятровіч Куракоў больш за 10 гадоў узначальваў інжынерныя войскі Рэспублікі Беларусь, прадстаўляў краіну на міжнародных форумах па забароне супрацьпяхотных мін, гуманітарным размініраванні. А.П.Куракоў – кавалер ордэна «За службу Радзіме» III ступені, узнагароджаны медалямі «За бездакорную службу» I, II і III ступеняў, іншымі ўзнагародамі.

Прадставіў новага кіраўніка дырэктар Дэпартамента па архівах і справаводстве Міністэрства юстыцыі Рэспублікі Беларусь Алег Леанідавіч Воінаў. Алег Леанідавіч выказаў упэўненасць у тым, што жыццёвы вопыт і веды А.П.Куракова будуць садзейнічаць эфектыўнаму вырашэнню задач, якія стаяць перад архівам.

Калектыў архіва шчыра віншуе новага кіраўніка з прызначэннем і выказвае ўпэўненасць у паспяховай і плённай сумеснай дзейнасці.

На фота: А.Л.Воінаў прадстаўляе новага дырэктара БДАНТД А.П.Куракова