Аб арганізацыі і правядзенні ўстановай «Занальны дзяржаўны архіў у г. Оршы» акцыі прэм’ернага паказу дакументальнага фільма «Вызваленне», падрыхтаванага Беларускім дзяржаўным архівам кінафотафонадакументаў
3 траўня 2024 года ў рамках праекту «Адкрыты кінаархіў. Гэты дзень мы набліжалі як маглі», у актавых залах дзяржаўных устаноў адукацыі «Гімназія №1 г.Оршы імя Г.В.Сямёнава» і «Гімназія №2 г.Оршы», супрацоўнікамі ўстановы «Занальны дзяржаўны архіў у г.Оршы» арганізаваны паказ дакументальнага фільма-кінахронікі «Вызваленне» (працягласцю 44 хв.), прысвечаны 80-й гадавіне вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне, падрыхтаваны Беларускім дзяржаўным архівам кінафотафонаду.
Фільм аднаўляе храналогію вызвалення гарадоў Беларусі. Архіўныя кадры паслядоўна дэманструюць кадры вызвалення абласных цэнтраў, гарадоў і пасёлкаў краіны, якія можна ўбачыць толькі дзякуючы гераізму аператараў франтавых кінагруп. Менавіта яны знаходзіліся на перадавой, побач з байцамі Чырвонай Арміі і партызанамі і захавалі горкую праўду адступленняў, арганізацыю першых партызанскіх атрадаў, баі, пераправы і радасць тых, хто першым ступіў на вызваленую зямлю. Коштам кадра часам станавілася жыццё аператара: з 258 загінуў кожны трэці. У фільм уключаны і сучасныя кадры ўшанавання памяці загінуўшых герояў на цырымоніі ўскладання кветак і вянкоў да манумента на Плошчы Перамогі з удзелам Прэзідэнта Рэспублікі Беларусь А.Р.Лукашэнкі.
