Рубрыка:

Падпісанне Мемарандума аб супрацоўніцтве паміж ГА «Беларускі фонд міру», Дэпартаментам па архівах і справаводстве Міністэрства юстыцыі Рэспублікі Беларусь і Беларускай Праваслаўнай Царквой

Апублікавана: 23 красавіка 2024 г.

23 красавіка 2024 г. на базе Нацыянальнага архіва Рэспублікі Беларусь (НАРБ) у рамках правядзення круглага стала «Вязні. Памяць: 1941-1945» адбылося падпісанне мемарандума аб супрацоўніцтве паміж ГА «Беларускі фонд міру», Дэпартаментам па архівах і справаводстве Міністэрства юстыцыі Рэспублікі Беларусь і Беларускай Праваслаўнай Царквой.

Прадметам сапраўднага мемарандума з’яўляецца дзейнасць бакоў накіраваная на ўвекавечанне памяці вязняў, якія пацярпелі ад дзеянняў нацысцкіх злачынцаў і іх памагатых, праз падтрымку праекту «Вязні. Памяць: 1941-1945».

Мітрапаліт Мінскі і Заслаўскі Веніямін выступіў з паведамленнем «Дзейнасць Беларускай Праваслаўнай Царквы па захаванні гістарычнай памяці».

З прывітальным словам да ўдзельнікаў мерапрыемства звярнуўся старшыня праўлення ГА «Беларускі фонд міру» М.У.Місько.

Дырэктар Дэпартамента па архівах і справаводстве Міністэрства юстыцыі Рэспублікі Беларусь А.Л.Воінаў прадставіў даклад на тэму «Дзейнасць архіўных устаноў Рэспублікі Беларусь па захаванні гістарычнай памяці». Ён падкрэсліў, што за апошнія некалькі гадоў архівы сталі не толькі цэнтрамі захоўвання дакументальнага архіўнага фонду, але па сутнасці асветніцкімі і выхаваўчымі цэнтрамі. Вялікая работа вядзецца архіўнымі ўстановамі рэспублікі па патрыятычным выхаванні моладзі.

У заключэнні свайго выступлення А.Л.Воінаў зазначыў, што беларускае грамадства не можа развівацца без усебаковага вывучэння, абагульнення і выкарыстання гістарычнага вопыту, таму інфармацыйны патэнцыял архіваў з’яўляецца стратэгічным рэсурсам, які забяспечвае культурны, інтэлектуальны і духоўны прагрэс. Галоўная мэта архіва – давесці да грамадства гістарычную праўду і перадаць будучым пакаленням гістарычна значныя дакументы.

Дырэктар Дэпартамента выказаў упэўненасць, што рэалізацыя абазначанага праекта ўнясе значны ў інфармацыйна-асветніцкую работу, якая праводзіцца ў галіне.

Аб неабходнасці стварэння сайта «Uznik.by» выступілі малалетнія вязні фашысцкіх канцлагераў, прадстаўнікі Рэспубліканскай асацыяцыі малалетніх вязняў фашысцкіх канцлагераў Хроль А.А. і Клімянкоў В.С.

У працы круглага стала прынялі ўдзел малалетнія вязні нацысцкіх лагераў, старшыні абласных, Мінскага гарадскога аддзяленняў Фонду міру, студэнты Беларускага дзяржаўнага ўніверсітэта і Беларускага дзяржаўнага ўніверсітэта інфарматыкі і радыёэлектронікі.

Удзельнікі круглага стала

Старшыня праўлення ГА «Беларускі фонд міру» М.В.Місько

Мітрапаліт Мінскі і Заслаўскі, Патрыяршы Экзарх усяе Беларусі Веніямін

Дырэктар Дэпартамент па архівах і справаводству Міністэрства юстыцыі Рэспублікі Беларусь А.Л.Воінаў і дырэктар ДУ «Нацыянальны архіў Рэспублікі Беларусь» А.К.Дземянюк

Удзельнікі круглага стала- вязні нацысцкіх лагераў

Падпісанне мемарандума

Групавое фота ўдзельнікаў круглага стала