Удзел А.А. Стуканавай у ХХХ Міжнароднай навукова-практычнай канферэнцыі «Дакументацыя ў інфармацыйным грамадстве»

18-19 красавіка 2024 года ў Маскве прайшла ХХХ Міжнароднай навукова-практычнай канферэнцыі «дакументацыя ў інфармацыйным грамадстве», арганізаваная пры падтрымцы Федэральнага архіўнага агенцтва (Росархив), Усерасійскага навукова-даследчага інстытута дакументазнаўства і архіўнай справы (ВНИИДАД), Расійскага дзяржаўнага гуманітарнага універсітэта (РГГУ), Расійскага дзяржаўнага архіва навукова-тэхнічнай дакументацыі (РГАНТД) і Расійскага дзяржаўнага архіва літаратуры і мастацтва (РГАЛИ).

У рабоце канферэнцыі прыняла ўдзел намеснік дырэктара Нацыянальнага архіва Рэспублікі Беларусь Стуканава А.А.

Больш за 400 удзельнікаў змаглі абмяняцца вопытам, абмеркаваць праблемныя пытанні дакументазнаўства і архівазнаўства. На канферэнцыі абмяркоўваліся пытанні развіцця паняційнага апарату, нарматыўна-прававой базы архіўнай справы, укаранення інфармацыйных тэхналогій, у тым ліку прымянення штучнага інтэлекту, камплектавання, забеспячэння захаванасці і выкарыстання архіўных дакументаў, а таксама падрыхтоўкі кадраў.

У працы канферэнцыі акрамя расійскіх навукоўцаў і практыкаў у сферы архіўнай справы і справаводства прынялі ўдзел прадстаўнікі Беларусі, Італіі, Казахстана, Султаната Аман, Туркменістана, Таджыкістана, Узбекістана і інш.

А.А. Стуканава выступіла ў рамках работы секцыі «Актуальныя пытанні навукі і практыкі архіўнай справы» з дакладам «Камплектаванне Нацыянальнага архіва Рэспублікі Беларусь на сучасным этапе». Удзельнікаў канферэнцыі зацікавіў вопыт беларускіх архівістаў па прыёме на пастаяннае захоўванне электронных дакументаў, арганізацыі працы з недзяржаўнымі арганізацыямі, камплектаванню дакументамі асабістага паходжання.

1. Выступленне нам. дырэктара НАРБ А.А.Стуканавай на канферэнцыі

2. Нам. дырэктара НАРБ А.А.Стуканава і іншыя ўдзельнікі канферэнцыі

3. Нам. дырэктара НАРБ А.А.Стуканава і іншыя ўдзельнікі канферэнцыі