Аб правядзенні справаздачна-выбарнага сходу першаснай прафсаюзнай арганізацыі ў ДУ «Нацыянальны архіў Рэспублікі Беларусь»

16 лютага 2024 г. у ДУ «Нацыянальны архіў Рэспублікі Беларусь» адбыўся справаздачна-выбарны сход пярвічнай прафсаюзнай арганізацыі. Старшыня прафкама Т.А.Шаўчэнка выступіла са справаздачай аб дзейнасці прафкама з 10 снежня 2019 г. па 16 лютага 2024 г., а член рэвізійнай камісіі Н.С.Нартоўская – са справаздачай аб працы камісіі. Заслухаўшы гэтыя даклады, сход прагаласаваў за прызнанне дзейнасці прафсаюзнага камітэта здавальняючай.

На сходзе былі абраны выбарныя органы. Прафкам папоўніўся трыма новымі членамі, а рэвізійная камісія – двума. Старшынёй пярвічнай прафсаюзнай арганізацыі была абрана Шаўчэнка Т.А. Сход прагаласаваў абраць Шаўчэнку Т.А. дэлегатам на справаздачна-выбарную канферэнцыю Мінскай гарадской арганізацыі Беларускага прафесійнага саюза работнікаў дзяржаўных і іншых устаноў і на справаздачна-выбарную канферэнцыю раённага аб’яднання прафсаюзаў.

У працы схода прыняла ўдзел галоўны прававы інспектар працы Мінскай гарадской арганізацыі прафсаюза работнікаў дзяржаўных і іншых устаноў М.Р.Змітровіч, якая высока ацаніла работу пярвічнай прафсаюзнай арганізацыі архіва і ўзровень падрыхтоўкі сходу. Па даручэнні старшыні Мінскай гарадской арганізацыі прафсаюза работнікаў дзяржаўных і іншых устаноў В.І.Зубрыка Змітровіч М.Р. узнагародзіла Шаўчэнка Т.А. Ганаровай граматай Мінскай гарадской арганізацыі прафсаюза.

1 – Даклад старшыні пярвічнай прафсаюзнай арганізацыі Т.А.Шаўчэнкі.

2 – Даклад члена рэвізійнай камісіі Н.С.Нартоўскай.

3 – Работнікі архіва галасуюць за прызнанне працы прафсаюзнага камітэта здавальняючай.

4 – Галоўны прававы інспектар працы Мінскай гарадской арганізацыі прафсаюза работнікаў дзяржаўных і іншых устаноў М.Р.Змітровіч па даручэнні старшыні Мінскай гарадской арганізацыі прафсаюза работнікаў дзяржаўных і іншых устаноў узнагароджвае Шаўчэнка Т.А. Ганаровай граматай Мінскай гарадской арганізацыі прафсаюза.