Сустрэча з членами мемарыяльных атрадаў Паста №1 горада-героя Мінска у Нацыянальным архіве Рэспублікі Беларусь

Апублікавана: 15 снежня 2023 г.

14 снежня 2023 года ў рамках акцыі «Архівы-школе» ў Нацыянальным архіве Рэспублікі Беларусь адбылася сустрэча з членамі мемарыяльнага атрада паста №1, які нясе Ганаровую Вахту Памяці ля Вечнага агню на плошчы Перамогі. Гэтым разам архіў наведалі навучэнцы школы №70 г.Мінска.

У рамках сустрэчы для вучняў была праведзена экскурсія па архіве. Загадчык аддзела фондаў асабістага паходжання Інэса Уладзіміраўна Дарагуш распавяла пра гісторыю Нацыянальнага архіва, пра склад і асаблівасці захоўвання дакументаў, працу архіва ў галіне публікацыйнай і выставачнай дзейнасці. Падчас экскурсіі навучэнцы наведалі архівасховішча фондаў асабістага паходжання, дзе азнаёміліся з дакументамі з асабістых архіваў дзяржаўных, партыйных і грамадскіх дзеячаў, удзельнікаў Вялікай Айчыннай вайны. У сховішча фондаў партызанскіх фарміраванняў Дарагуш І. У. правяла гутарку па гісторыі партызанскага руху і азнаёміла з асабістымі справамі каманднага складу партызанскіх атрадаў і брыгад, баявымі лісткамі і інш.

Загадчык аддзела фондаў асабістага паходжання І.У.Дарагуш распавядае навучэнцам пра гісторыю Нацыянальнага архіва Рэспублікі Беларусь

Члены мемарыяльнага атрада Паста №1 падчас наведвання архіва

Загадчык аддзела фондаў асабістага паходжання І.У.Дарагуш распавядае навучэнцам аб публікацыйнай дзейнасці Нацыянальнага архіва Рэспублікі Беларусь

Навучэнцы падчас наведвання архівасховішча фондаў партызанскіх фарміраванняў

Навучэнцы падчас наведвання архівасховішча фондаў асабістага паходжання