Унікальны вопыт працы Цэнтральнай лабараторыі – у дапамогу праекціроўшчыкам

25 кастрычніка Цэнтральную лабараторыю забеспячэння захаванасці дакументаў Нацыянальнага архіўнага фонда Рэспублікі Беларусь з рабочым візітам наведала дэлегацыя спецыялістаў ДП «Мінскпраект», КУП «Мінская спадчына», Мінскага гарадскога архіва, якія працуюць над праектаваннем дзяржаўнага архіва г.Мінска.

У сілу унікальнасці выконваемых у лабараторыі работ па мікрабіялагічнаму кантролю, дэзінфекцыі, аблічбоўвання і рэстаўрацыі архіўных дакументаў у праекціроўшчыкаў паўстала шмат пытанняў у ходзе распрацоўкі праектнай дакументацыі па праектаванні аналагічнай лабараторыі ў складзе будучага архіва.

Дырэктар лабараторыі У.Л.Клюйко азнаёміў прысутных з асаблівасцямі арганізацыі тэхналагічных працэсаў у лабараторыі, а кіраўнікі вытворчых структурных падраздзяленняў лабараторыі падзяліліся вопытам выкарыстання спецыяльнай мэблі, тэхналагічнага абсталявання, інструмента і аснасткі, пазначыўшы пры гэтым моцныя і слабыя іх бакі.

1 – дырэктар лабараторыі У.Л.Клюйко (у цэнтры) знаёміць спецыялістаў з працай сектара біялагічнага кантролю, дэзінфекцыі і гігіенічнай ачысткі дакументаў;

2 – загадчык аддзела біялагічнай кантролю і пераплёту дакументаў А.М.Каханава (крайняя злева) знаёміць з аснасткай, якая прымяняецца на пераплётным участку;

3 – загадчык аддзела рэстаўрацыі і кансервацыі дакументаў І.В.Пацёкіна (крайняя злева) распавядае аб інструментах, якія ўжываюцца пры рэстаўрацыі архіўных дакументаў;

4 – загадчык аддзела аблічбоўвання і мікрафільмавання дакументаў В.І.Кулак (справа) распавядае пра магчымасць мадэрнізацыі сканіруючага абсталявання.