6 кастрычніка 2023 г. адбыліся Урачыстае мерапрыемства, прысвечанае Дню архівіста, і навукова-практычная канферэнцыя «Архівы – інстытут гістарычнай памяці»
6 кастрычніка 2023 г. адбыліся Урачыстае мерапрыемства, прысвечанае Дню архівіста, і навукова-практычная канферэнцыя «Архівы – інстытут гістарычнай памяці».
У ходзе ўрачыстага мерапрыемства, прысвечанага Дню архівіста, віншаванне Прэм’ер-міністра Рэспублікі Беларусь Р.А.Галаўчанка было агучана начальнікам упраўлення справаводства і пратакольнай работы Апарата Савета Міністраў Рэспублікі Беларусь Н.В.Шасцілоўскай.
Віншаванне ад імя Міністра юстыцыі Рэспублікі Беларусь С.М.Хаменка агучыў намеснік Міністра юстыцыі А.М.Кот, які ўручыў архівістам узнагароды Міністэрства юстыцыі Рэспублікі Беларусь.
З прафесійным святам беларускіх архівістаў павіншаваў дырэктар Дэпартамента па архівах і справаводству А.Л.Воінаў.
Кіраўніком архіўнай службы былі ўручаны ўзнагароды Дэпартамента па архівах і справаводстве. Былі ўзнагароджаны 14 работнікаў рэспубліканскіх, абласных і занальных дзяржаўных архіваў.
Кіраўнік Федэральнага архіўнага агенцтва А.Н.Артызаў павіншаваў работнікаў архіўнай галіны Беларусі з прафесійным святам ад імя расійскіх архівістаў.
У Дзяржаўным музеі гісторыі Вялікай Айчыннай вайны адбылася навукова-практычная канферэнцыя «Архівы – інстытут гістарычнай памяці».
Адкрыў канферэнцыю дырэктар Дэпартамента па архівах і справаводству А.Л.Воінаў.
На канферэнцыі выступілі:
– галоўны спецыяліст Расійскага дзяржаўнага архіва эканомікі В.У.Кандрашын з дакладам «Перспектыўныя тэмы дакументальнага асвятлення сацыяльна-эканамічнай гісторыі Расіі і Рэспублікі Беларусь»;
– загадчык аддзела публікацый Нацыянальнага архіва Рэспублікі Беларусь С.У.Кулінок з дакладам «Сумесная выдавецкая дзейнасць Нацыянальнага архіва Рэспублікі Беларусь і архіўных устаноў Расіі ў XXI стагоддзі: дасягненні і перспектывы»;
– дырэктар Расійскага дзяржаўнага гістарычнага архіва С.В.Штукова з дакладам «Дзейнасць Цэнтральнага дзяржаўнага гістарычнага архіва ў Ленінградзе ў экстрэмальных умовах блакады»;
– дырэктар Усерасійскага навукова-даследчага інстытута дакументазнаўства і архіўнай справы П.А.Кюнг з дакладам «Перспектывы камплектавання Архіўнага фонду Расійскай Федэрацыі электроннымі навукова-тэхнічнымі і кінафотафонадакументамі: праблемы і шляхі вырашэння»;
– вядучы навуковы супрацоўнік Беларускага навукова-даследчага інстытута дакументазнаўства і архіўнай справы М.Ф.Шумейка з дакладам «Узаемадзеянне архіваў, музеяў і бібліятэк у справе захавання сацыяльнай памяці чалавецтва».
Вынікі канферэнцыі падвёў дырэктар Дэпартамента па архівах і справаводству А.Л.Воінаў.
6 кастрычніка 2023 г. у рамках візіту дэлегацыі Федэральнага архіўнага агенцтва Расійскай Федэрацыі кіраўнікі архіўных службаў Рэспублікі Беларусь і Расійскай Федэрацыі А.Л.Воінаў і А.М.Артызаў, а таксама члены дэлегацый Беларусі і Расіі ўсклалі кветкі ў стэлы «Мінск – горад-герой».
