Рубрыка:

Рабочая паездка А.Л.Воінава ў Магілёўскую вобласць

Апублікавана: 17 жніўня 2023 г.

16-17 жніўня 2023 г. праходзіць рабочая паездка дырэктара Дэпартамента па архівах і справаводству Міністэрства юстыцыі Рэспублікі Беларусь А.Л.Воінава ў Магілёўскую вобласць.

16 жніўня 2023 г. А.Л.Воінаў і намеснік начальніка аддзела справаводства, фарміравання і забеспячэння захаванасці Нацыянальнага архіўнага фонду Дэпартамента па архівах і справаводстве Г.У.Качаткова наведалі Дзяржаўны архіў Магілёўскай вобласці.

Асаблівая ўвага была ўдзелена ходу работ на аб’екце «Рэканструкцыя будынка, размешчанага па адрасе: г.Магілёў, вул. К.Маркса, 23».

У рамках рабочай паездкі адбылося наведванне мемарыяльнага комплексу «Батальён міліцыі пад камандаваннем Канстанціна Уладзімірава», з ускладаннем кветак да помніка.

Працягнулася рабочая паездка наведваннем Занальнага дзяржаўнага архіва ў г. Крычаве, дзе А.Л.Воінавым была праведзена сустрэча з працоўным калектывам.

17 жніўня 2023 г. у ходзе рабочай паездкі А.Л.Воінаў наведаў Дзяржаўны архіў грамадскіх аб’яднанняў Магілёўскай вобласці, дзе азнаёміўся з работай архіва, асноўнымі напрамкамі дзейнасці, а таксама пастаяннымі экспазіцыямі па матэрыялах архіўных фондаў.

У гэты ж дзень А.Л.Воінаў наведаў Занальны дзяржаўны архіў у г.Бабруйску, дзе была праведзена сустрэча з працоўным калектывам архіва, а таксама былі разгледжаны пытанні, якія стаяць перад архіўнай установай.