Аб прадстаўленні кнігі «Архівы. Нічога, акрамя праўды» работнікам Міністэрства юстыцыі Рэспублікі Беларусь

Апублікавана: 27 ліпеня 2023 г.

26 ліпеня 2023 г. для работнікаў цэнтральнага апарата Міністэрства юстыцыі Рэспублікі Беларусь праведзены тэматычны занятак з удзелам загадчыка аддзела публікацый Нацыянальнага архіва Рэспублікі Беларусь, к.г.н. С.В.Кулінка.

Мерапрыемства было прысвечана выпуску навукова-папулярнага выдання «Архівы. Нічога, акрамя праўды» — сумеснага праекта Міністэрства юстыцыі і БелТА, на старонках якога скрозь прызму архіўных матэрыялаў раскрываюцца малавядомыя факты нацыстскага генацыду на тэрыторыі Беларусі ў гады Вялікай Айчыннай вайны.

Начальнік аддзела ідэалагічнага забеспячэння Міністэрства юстыцыі М.М.Скамарошчанка паведаміў прысутным аб афіцыйнай прэзентацыі праекта, якая адбылася 6 ліпеня ў Нацыянальнай бібліятэцы Беларусі, а таксама зачытаў прывітальны ліст да чытачоў ад Міністра юстыцыі Сяргея Хаменка, які адкрывае навукова-папулярнае выданне.

С.В.Кулінок расказаў аб тым, як праходзіла рэалізацыя праекта «Архівы. Нічога, акрамя праўды», падрабязна спыніўся на структуры і змесце выдання. Выступоўца звярнуў увагу на тое, што выданне ў электронным выглядзе размешчана ў адкрытым доступе (у прыватнасці, на інтэрнэт-сайтах Міністэрства юстыцыі і «Архівы Беларусі»), што дазваляе гарантаваць максімальны інфармацыйны ахоп зацікаўленай аўдыторыі.

Спікер таксама расказаў удзельнікам мерапрыемства аб правядзенні нацыстамі двух акцый «Т-4» і «Акцыі-1005» — малавядомых сюжэтаў генацыду насельніцтва Беларусі ў гады Вялікай Айчыннай вайны.

М.М.Скамарошчанка зачытвае прывітальнае слова Міністра юстыцыі Рэспублікі Беларусь С.М.Хаменка

Выступленне С.В.Кулінка

Удзельнікі мерапрыемства