Аб удзеле Нацыянальнага гістарычнага архіва Беларусі ў рэспубліканскай акцыі «Мая сям’я – мая краіна»

15 мая 2023 г. калектыў Нацыянальнага гістарычнага архіва Беларусі ўзяў актыўны ўдзел у рэспубліканскай акцыі «Мая сям’я – мая краіна», прымеркаванай да Дня сям’і. Да гэтага мерапрыемства ў НГА Беларусі было арганізавана кансультаванне грамадзян па пытаннях пошуку і месцаў знаходжання дакументаў генеалагічнага характару, а таксама алгарытму дзеянняў пры правядзенні самастойных даследаванняў па гісторыі сям’і. Асабісты прыём грамадзян па гэтай тэматыцы праводзілі намеснікі дырэктара Ірына Каўганава і Максім Макараў, а таксама загадчык чытальнай залы архіва Аксана Расказава. Па тэлефоннай сувязі кансультаванне грамадзян праводзіла в. а. загадчыка аддзела выкарыстання дакументаў і інфармацыі Вольга Каранькова.

У рамках мерапрыемстваў акцыі і святкавання Дня сям’і ў НГА Беларусі былі таксама праведзены заняткі па тэме «Пераемнасць пакаленняў у люстэрку архіўных дакументаў: генеалогія і сямейная гісторыя» для групы работнікаў цэнтральнага апарата Міністэрства юстыцыі Рэспублікі Беларусь. У ходзе заняткаў М.Макараў распавёў гасцям пра гісторыю і фонды ўстановы, а вядучы навуковы супрацоўнік аддзела выкарыстання дакументаў і інфармацыі Уладзімір Дзянісаў правёў для наведвальнікаў экскурсію па архівасховішчах, дзе азнаёміў іх з шэрагам унікальных дакументаў, што зберагаюцца ў НГА Беларусі. Пасля гэтага І. Каўганава і намеснік загадчыка аддзела навукова-даследчай і публікацыйнай дзейнасці Яўген Глінскі прадэманстравалі работнікам Міністэрства ўзоры асноўных тыпаў крыніц генеалагічнага характару і падрабязна распавялі пра магчымасці правядзення даследавання ўласнага радаводу. Госці праявілі значную цікавасць да прадстаўленых дакументаў і матэрыялаў.

1. У.М. Дзянісаў праводзіць экскурсію па архівасховішчах НГА Беларусі для работнікаў цэнтральнага апарата Міністэрства

2. У.М. Дзянісаў дэманструе работнікам цэнтральнага апарата Міністэрства самы старажытны дакумент са збораў НГА Беларусі

3. Г.М. Кутукова апавядае работнікам цэнтральнага апарата Міністэрства аб умовах захоўвання дакументаў у НГА Беларусі

4. І.І. Каўганава знаёміць работнікаў цэнтральнага апарата Міністэрства з дакументамі па генеалогіі

5. А.Я. Цвяткоў і работнікі цэнтральнага апарата Міністэрства пад час лекцыі і экскурсіі

6. Я.С. Глінскі знаёміць работнікаў цэнтральнага апарата Міністэрства з дакументамі па генеалогіі

7. Дакументы НГА Беларусі